'కొన్నిసార్లు నిశ్శ‌బ్ద‌మే ఉత్త‌మ స‌మాధానం'- బుమ్రా ఇన్​స్టా స్టోరీకి అర్థం అదేనా!

Jasprit Bumrah IPL 2024 : ఐపీఎల్ 2024 మినీ వేలానికి ముందు ముంబయి ఇండియ‌న్స్ ఫ్రాంచైజీ హార్దిక్ పాండ్యను తిరిగి సొంతం చేసుకున్న తీరు పట్ల చర్చలు జరుగుతున్నాయి. ఈ తరుణంలో టీమ్ఇండియా పేసర్​ జస్ప్రీత్​ బుమ్రా సోషల్ మీడియాలో పెట్టిన ఓ పోస్ట్ తెగ ట్రెండ్ అవుతోంది. ఇంతకీ ఏం జరిగిందంటే ?

Jasprit Bumrah IPL 2024 : 2024 ఏడాదికి గానూ ఐపీఎల్ ​ వేలం మరికొద్ది రోజుల్లో మొదలవుతుందన్న తరుణంలో.. ఇటీవలే జరుగుతున్న ప్లేయర్ల ట్రేడింగ్​లు పలు కాంట్రవర్సీలకు దారి తీస్తోంది. ఇప్పటికే పలు ఫ్రాంచైజీలు తమ టీమ్​లోని ప్లేయర్లను వేరే జట్టుకు పంపించారు. అయితే తాజాగా హార్దిక్​ను ముంబయి ఇండియన్స్​ ఫ్రాంచైజీ తీసుకుంది. చాలా సన్పెన్స్​ నడుమ ఎట్టకేలకు హార్దిక్​ ముంబయి గూటికి చేరుకున్నాడు. ఈ క్రమంలో మరో వార్త నెట్టింట తెగ ట్రెండ్ అవుతోంది. దీంతో ముంబయి ఫ్రాంచైజీపై పాండ్య సహచరులు మనస్తాపానికి గురయ్యారని వార్తలు వస్తున్నాయి. తాజాగా స్టార్ పేసర్ జస్ప్రీత్ బుమ్రా పెట్టిన ఓ పోస్ట్​.. ఈ చర్చలకు మరింత బలాన్ని చేకూరుస్తోంది.

"కొన్నిసార్లు మౌనమే ఉత్తమ సమాధానం" అని బుమ్రా ఇన్​స్టా వేదికగా ఓ స్టోరీని పోస్ట్ చేశాడు. అంతే కాకుండా సోషల్ మీడియాలో ముంబయి ఇండియన్స్ జట్టు ఖాతాను అన్‌ఫాలో చేశాడు. దీంతో ఫ్యాన్స్​లో అనుమానం మొదలైంది. బుమ్రా ఇక ఆ జట్టును వీడనున్నాడన్న రూమర్స్​ కూడా తెగ ట్రెండ్ అవుతున్నాయి.

• Jasprit Bumrah unfollowed Mumbai Indians after the cryptic story pic.twitter.com/Rdwgt9qbXz

  — Div🦁 (@div_yumm) November 28, 2023 " class="align-text-top noRightClick twitterSection" data="

  Jasprit Bumrah unfollowed Mumbai Indians after the cryptic story pic.twitter.com/Rdwgt9qbXz

  — Div🦁 (@div_yumm) November 28, 2023

  ">

  Jasprit Bumrah unfollowed Mumbai Indians after the cryptic story pic.twitter.com/Rdwgt9qbXz

  — Div🦁 (@div_yumm) November 28, 2023

బుమ్రా వర్సెస్ హార్దిక్​..
క్రీడా వర్గాల సమాచారం ప్రకారం.. హార్దిక్​ ముంబయికి తిరిగి రావడం బుమ్రాకు పెద్ద నష్టంగా మారింది. ఎందుకంటే రోహిత్ తర్వాత ఆ జట్టుకు బుమ్రా కెప్టెన్‌గా ఎంపికయ్యాడు. అయితే, పాండ్య ఈ స్థానంలో పోటీదారుగా మారాడు. అంతే కాకుండా హార్దిక్​ను సారథిగా రంగంలోకి దింపేందుకు ముంబయి ఇండియన్స్ దృష్టి సారిస్తోందనే ఊహాగానాలు కూడా వినిపిస్తున్నాయి. అయితే ఐపీఎల్ 2024లో హార్దిక్ కెప్టెన్‌గా ఉంటాడా లేదా అనే విషయంపై ఎటువంటి క్లారిటీ లేదు.

ఆ జట్టు వైపుకు అడుగులు..
మరోవైపు బుమ్రా పేరు సోషల్‌ మీడియాలో ట్రెండ్ అవుతోంది. ముంబయి ఇండియన్స్‌ను అన్‌ఫాలో చేసిన బుమ్రా.. ఆర్సీబీని ఫాలో అవుతున్నాడంటూ మరికొన్ని పేజీల్లో వార్తలు వస్తున్నాయి. బెంగళూరు ఫ్రాంఛైజీతో ఒప్పందం కుదుర్చుకునేందుకు సిద్ధంగా ఉన్నాడంటూ రూమర్స్​ కూడా మొదలయ్యాయి. ఇక చెన్నై సూపర్‌కింగ్స్‌తో కూడా జట్టుకట్టే అవకాశంఉందనే ప్రచారం కూడా జరుగుతోంది. ఈ విషయంపై బుమ్రా స్పందిస్తే కానీ అసలు విషయం బయటపడదు.