Harshal patel sister: రాయల్ ఛాలేంజర్స్ బెంగళూరు పేసర్ హర్షల్ పటేల్ ఇంట్లో విషాదం జరిగింది. కుటుంబంలోని ఓ వ్యక్తి మృతి చెందినట్లు తెలిసిన క్రమంలో ఐపీఎల్ బయో బబుల్ వీడాడు హర్షల్. ముంబయి ఇండియన్స్తో శనివారం మ్యాచ్ అనంతరం హర్షల్ పటేల్ సోదరి మృతి చెందినట్లు తెలుసిందని ఐపీఎల్ వర్గాలు తెలిపాయి. ఆర్సీబీ తదుపరి మ్యాచ్కు ముందే తిరిగి బయో బబుల్లో చేరతాడని ఆశాభావం వ్యక్తం చేశాయి.
" దురదృష్టవశాత్తు.. కుటుంబ సభ్యుల్లో ఒకరు మృతి చెందిన క్రమంలో హర్షల్ బయో బబుల్ను వీడాడు. మృతి చెందిన వ్యక్తి అతడి సోదరి. విషయం తెలిసిన క్రమంలో మ్యాచ్ అనంతరం పుణె నుంచి ముంబయి చేరుకునేందుకు టీమ్ బస్సులో రాలేదు. ఏప్రిల్ 12న సీఎస్కేతో మ్యాచ్కు ముందే తిరిగి బయో బబుల్లో చేరతాడు. "
- ఐపీఎల్ వర్గాలు
బెంగళూరు జట్టులో హర్షల్ పటేల్ కీలక బౌలర్గా మారాడు. కొన్ని సీజన్లుగా అద్భుత ప్రదర్శనతో జట్టు విజయాల్లో కీలక పాత్ర పోషిస్తున్నాడు. శనివారం జరిగిన మ్యాచ్లో ముంబయిపై రెండు వికెట్లు పడగొట్టి దెబ్బ తీశాడు. గత ఏడాది అంతర్జాతీయ టి20ల్లో అరంగేట్రం చేసిన హర్షల్.. ఇప్పటి వరకు 8 మ్యాచ్లు ఆడాడు.
ఇదీ చూడండి: ఆ నాలుగు దేశాలతో ప్రత్యేక టోర్నీ.. బీసీసీఐ ఏమందంటే?
