ఐపీఎల్ 2023లో భాగంగా జరిగిన రెండో మ్యాచ్లో కోల్కతా నైట్ రైడర్స్పై పంజాబ్ కింగ్స్ విజయం సాధించింది. 7 పరుగుల తేడాతో గెలుపొందింది. వర్షం పడటం వల్ల డక్ వర్త్ లూయిస్ (డీఎల్ఎస్) పద్ధతి ద్వారా విజేతను ప్రకటించారు. 192 పరుగుల లక్ష్యంతో బరిలోకి దిగిన కేకేఆర్.. 16ఓవర్లలో 7 వికెట్లు కోల్పోయి 146 పరుగులు చేసింది. తర్వాత భారీ వర్షం కురవడం వల్ల ఆటను ఆపేశారు. మళ్లీ మ్యాచ్ నిర్వహణ సాధ్యం కాకపోవడం వల్ల డక్‌వర్త్‌ లూయిస్ ప్రకారం పంజాబ్ కింగ్స్ను విజేతగా ప్రకటించారు.
లక్ష్య ఛేదనకు దిగిన పంజాబ్కు రెండో ఓవర్‌లోనే భారీ షాక్ తగిలింది. అర్ష్‌దీప్‌ బౌలింగ్లో మన్‌దీప్‌ సింగ్ (2), అనుకుల్‌ రాయ్‌(4) ఔట్ అయ్యారు. నిలకడగా ఆడుతున్న రెహ్మనుల్లాను(22) నాథన్ ఎల్లిస్ బౌలింగ్లో క్లీన్‌బౌల్డ్ అయ్యాడు. ఆండ్రూ రస్సెల్ (35), వెంకటేశ్ అయ్యర్‌ (34), నితీశ్ రాణా(24) పరుగులు చేశారు. పంజాబ్ బౌలర్లలో అర్షదీప్ సింగ్ 3 వికెట్లతో చెలరేగిపోయాడు. నాథన్ ఎల్లిస్, సామ్ కరణ్, సికందర్ రాజా, రాహుల్ చాహర్ తలో వికెట్ తీశారు.
అంతకుముందు టాస్ ఓడి ఫస్ట్ బ్యాటింగ్కు దిగిన పంజాబ్ కింగ్స్.. నిర్ణీత 20 ఓవర్లలో 5 వికెట్లు కోల్పోయి 191 పరుగులు చేసింది. భానుక రాజపక్స(50; 32 బంతుల్లో 5x4, 2x6) హాఫ్ సెంచరీతో మెరిశాడు. ఓపెనర్ ప్రభ్ సిమ్రన్ సింగ్(23; 12 బంతుల్లో 2x4, 2x6), కెప్టెన్ శిఖర్ ధావన్(40; 29 బంతుల్లో 6x4), జితేశ్ శర్మ(21; 11 బంతుల్లో 1x4, 2x6), శామ్ కరన్(26*;17 బంతుల్లో 2x6) పరుగులతో రాణించారు. ఆఖర్లో క్రీజులోకి వచ్చిన షారుక్ ఖాన్ (11*) రెండు ఫోర్లు, సికందర్ రజా(16) ఒక ఫోర్, ఒక సిక్స్తో ఆకట్టుకున్నారు. మొత్తంగా పంజాబ్ జట్టు బ్యాటర్లతా దూకుడుగా భారీ షాట్లతో ఆకట్టుకున్నారు. కోల్కతా నైట్ రైడర్స్ బౌలర్లలో టిమ్ సౌథీ 2 వికెట్లు పడగొట్టగా.. ఉమేశ్ యాదవ్, సునీల్ నరైన్, వరుణ్ చక్రవర్తి తలో వికెట్ పడగొట్టారు.
అరుదైన రికార్డు.. శిఖర్ ధావన్ తన పేరిట ఓ అరుదైన రికార్డును లిఖించుకున్నాడు. ఈ ఐపీఎల్ చరిత్రలో అత్యధికసార్లు 50 ప్లస్‌ భాగస్వామ్యాలు సాధించిన క్రికెటర్‌గా నిలిచాడు. ఐపీఎల్‌లో అతడికిది 94వ అర్ధశతక భాగస్వామ్యం కావడం విశేషం. దీంతో అతడు విరాట్ కోహ్లీ రికార్డును సమం చేశాడు. రాయల్ ఛాలెంజర్స్ తరఫున విరాట్ కూడా 94 అర్ధశతక భాగస్వామ్యాలు నెలకొల్పాడు. వీరిద్దరి తర్వాత సురేశ్‌ రైనా 83 అర్ధశతక భాగస్వామ్యాలు, డేవిడ్‌ వార్నర్‌ 82 అర్ధశతక భాగస్వామ్యాలతో కొనసాగుతున్నారు.
ఇదీ చూడండి: IPL 2023: ఒకే ఫ్రేమ్లో ఇద్దరు దిగ్గజాలు.. స్టన్నింగ్ క్యాచ్తో మెరిసిన ఛెత్రి
