IPL 2022 SRH vs RR: జట్టు నిండా మ్యాచ్ విన్నర్లతో నిండిన రాజస్థాన్ రాయల్స్.. సన్రైజర్స్ హైదరాబాద్తో మంగళవారం తన తొలి మ్యాచ్లో ఢీకొనబోతోంది. పుణె వేదికగా సాయంత్రం 7.30 గంటలకు ఈ మాజీ ఛాంపియన్ల మధ్య మ్యాచ్ జరగనుంది. ఈ నేపథ్యంలో ఇరు జట్ల బలాబలాలు ఎలా ఉన్నాయో చూద్దా..
పటిష్ఠంగా రాయల్స్..: రాయల్స్ భవితవ్యం.. కెప్టెన్ సంజూ శాంసన్ ఫామ్పై అధికంగా ఆధారపడి ఉంది. రెండు, మూడు మ్యాచులకే పరిమితమవుతున్న అతడి మెరుపులు.. సీజన్ మొత్తం కొనసాగించాలని జట్టు ఆశిస్తోంది. ఇక విధ్వసంక జోస్ బట్లర్, దేవ్దత్ పడిక్కల్ రాణిస్తే ప్రత్యర్థికి కష్టమే. పవర్ హిట్టర్ హెట్మెయర్, వాండర్ డుస్సెన్, జిమ్మీ నీషమ్, రియాన్ పరాగ్తో మిడిల్ ఆర్డర్ బలంగా ఉంది.
రవిచంద్రన్ అశ్విన్, యుజ్వేంద్ర చాహల్ చేరికతో బౌలింగ్ దళం పటిష్ఠంగా కనబడుతోంది. గతేడాది ముంబయి తరఫున అద్భుత ప్రదర్శన చేసిన ట్రెంట్ బౌల్ట్ నేతృత్వంలో ప్రసిద్ధ్ కృష్ణ, నవదీప్ సైనీ కూడా కీలకంకానున్నారు.
కెప్టెన్పైనే భారం..: హైదరాబాద్కు.. అత్యుత్తమ బ్యాటర్, కెప్టెన్ కేన్ విలియమ్సన్ అనుభవమే ప్రధాన అస్త్రం. వెస్టిండీస్ ఆటగాడు నికోలస్ పూరన్, ప్రియం గార్గ్, రాహుల్ త్రిపాఠీ మిడిలార్డర్ బాధ్యత తీసుకోవాల్సి ఉంటుంది. డెత్ ఓవర్స్ స్పెషలిస్ట్ భువనేశ్వర్ కుమార్, యార్కర్ కింగ్ నటరాజన్, ఉమ్రాన్ మాలిక్తో బౌలింగ్ బలంగా ఉంది. వాషింగ్టన్ సుందర్, శ్రేయస్ గోపాల్, జగదీశ్ సుచిత్ కూడా కీలకమే.
హెడ్ టు హెడ్: ఇప్పటివరకు రాజస్థాన్, సన్రైజర్స్ జట్లు 15 సార్లు తలపడ్డాయి. అందులో హైదరాబాద్.. ఎనిమిది మ్యాచుల్లో గెలవగా.. రాయల్స్ ఏడు మ్యాచుల్లో విజయం సాధించింది.
ఇదీ చదవండి: 'అది మాకు కలిసొచ్చే అంశం.. ఐపీఎల్ ట్రోఫీ మాదే'
