Rohit Sharma Captaincy: పంజాబ్‌తో జరిగిన ఐదో మ్యాచ్లోనూ ముంబయి ఓటమిపాలవ్వడం వల్ల ఆ జట్టు అభిమానులు తీవ్ర నిరాశకు గురయ్యారు. అయితే, ఈ విషయంలో కెప్టెన్ రోహిత్ శర్మను తప్పుబట్టాల్సిన అవసరం లేదని, అతడిని విమర్శించడం తగదని ఇంగ్లాండ్ మాజీ క్రికెటర్ గ్రేమ్‌స్వాన్‌ అన్నాడు. ముంబయి ఈ సీజన్‌లో ఇప్పటివరకు ఆడిన ఐదింటిలో ఓటమిపాలై ఇంకా ఖాతా తెరవలేదు. దీంతో పాయింట్ల పట్టిక చివర్లో కొనసాగుతోంది. ఈ నేపథ్యంలోనే పలువురు అభిమానులు కెప్టెన్‌ను విమర్శిస్తుండటం వల్ల స్వాన్ స్పందించాడు.
"ముంబయి ఓటమికి రోహిత్ సారథ్యాన్ని శంకిస్తున్నారు. ఆ విషయంలో నేను సంతోషంగా లేను. పంజాబ్‌ తొలి వికెట్‌కు 97 పరుగులు చెయ్యడం.. చివరికి 198 పరుగులు సాధించడం అంటే.. ముంబయి బౌలర్లలో ఆత్మవిశ్వాసం లోపించినట్లు నాకు అనిపిస్తోంది. మధ్య ఓవర్లలో జస్ప్రిత్‌ బుమ్రా వచ్చి అద్భుతమైన స్పెల్‌ వేసేంతవరకు ఆ జట్టు బౌలర్లు మరీ దారుణంగా బౌలింగ్‌ చేశారు. అలాంటప్పుడు ఒక్క సెకను కూడా రోహిత్ను తప్పుపట్టాల్సిన అవసరం లేదు. తొలి పది ఓవర్లు అతడు ఎవరికి బంతి అందించినా బెడిసికొట్టింది"
-గ్రేమ్ స్వాన్, ఇంగ్లాండ్ మాజీ క్రికెటర్
కాగా, ఈ మ్యాచ్‌లో తొలుత బ్యాటింగ్‌ చేసిన పంజాబ్‌ 198/5 స్కోర్‌ సాధించగా ఛేదనలో ముంబయి 186/9తో సరిపెట్టుకుంది. డివాల్డ్‌ బ్రెవిస్‌ (49; 25 బంతుల్లో 4x4, 5x6), తిలక్‌ వర్మ (36; 20 బంతుల్లో 3x4, 2x6), సూర్యకుమార్‌ యాదవ్‌ (43; 30 బంతుల్లో 1x4, 4x6) కీలక సమయాల్లో ఔటవ్వడం వల్ల ఆ జట్టు ఓటమిపాలైంది.
రోహిత్కు రూ.24లక్షల జరిమానా
