తమ జట్టును చెన్నై సూపర్ కింగ్స్ సారథి ధోనీ ప్రశంసించాడు. ఈ సీజన్లో తమ ఆటగాళ్లు మరింత బాధ్యతగా ఆడుతున్నారని అన్నాడు. సన్రైజర్స్ హైదరాబాద్తో గురువారం జరిగిన మ్యాచ్లో విజయం సాధించిన తర్వాత మహీ ఈ వ్యాఖ్యలు చేశాడు.
"బ్యాటింగ్ అదరగొట్టారు, అలా అని బౌలింగ్ బాగోలేదని కాదు. దిల్లీలో తేమ లేకపోవడం, వికెట్ చాలా బాగుండటం ఆశ్చర్యకరంగా ఉంది" అని ధోనీ అన్నాడు.
మీ ప్రదర్శనలో గత సీజన్కు ఈ ఏడాదికి తేడా ఏంటి అని అడగగా.. "ముందుగా మాకు ఉన్న సమస్యలన్నింటినీ పరిష్కరించుకుంటున్నాం. గతేడాది ఐదు, ఆరు నెలలు క్రికెట్ ఆడలేదు. క్వారంటైన్లో ఉండటం ఇంకా అనేక కారణాలు వల్ల గత సీజన్ కొంచెం కష్టంగా గడిచింది. ఏదేమైనప్పటికీ ఈ ఐపీఎల్లో మా ఆటగాళ్లు మరింత బాధ్యతగా ఆడుతున్నారు. గత 8-10ఏళ్ల నుంచి మా జట్టు ఆటగాళ్లను మార్చలేదు. టీమ్లో అవకాశం రాని ప్లేయర్స్ను కూడా మెచ్చుకోవాలి. వారు నమ్మకం ఉంచి ఇంకా అవకాశం కోసం ఎదురుచూస్తున్నారు" అని మహీ చెప్పాడు. ఈ మ్యాచ్లో సన్రైజర్స్పై సీఎస్కే 7 వికెట్ల తేడాతో గెలిచింది.
ఇదీ చూడండి.. కరోనాను జయించిన ధోనీ తల్లిదండ్రులు
