సన్రైజర్స్ రైజర్స్ మాజీ కెప్టెన్ డేవిడ్ వార్నర్ భవితవ్యంపై దక్షిణాఫ్రికా పేసర్ డేల్ స్టెయిన్ ఆసక్తికర వ్యాఖ్యలు చేశాడు. హైదరాబాద్ జెర్సీలో వార్నర్ కనిపించడం ఇదే చివరిసారి కావొచ్చని అభిప్రాయపడ్డాడు. మ్యాచ్ ఆడేముందు తుది జట్టు నిర్ణయంలో కెప్టెన్ పాత్ర కూడా ఉండాలని స్పష్టం చేశాడు.
"నాకు తెలిసి డేవిడ్ వార్నర్ ఆరెంజ్ జెర్సీలో కనిపించడం ఇదే చివరిసారి కావొచ్చు. ఆ ఫ్రాంఛైజీలో తెరవెనక ఏదో జరుగుతుంది. మనీశ్ పాండేను జట్టులోకి తీసుకోకపోవడంపై ప్రశ్నిస్తే ఏకంగా కెప్టెన్సీతో పాటు తుది జట్టు నుంచి తప్పిస్తారా? అక్కడ అంతకుమించి వివాదమేదో ఉంది."
-డేల్ స్టెయిన్, దక్షిణాఫ్రికా బౌలర్
"తుది జట్టు ఎంపికపై వార్నర్ ప్రశ్నించాడా? లేదా అనే విషయం నాకు తెలీదు. తర్వాత ఈ విషయం బయటకు వచ్చింది. రాజస్థాన్తో మ్యాచ్కు ఒక్కరోజు ముందు కేన్కు సారథ్య బాధ్యతలు అప్పగించారు. వార్నర్ను తుది జట్టులోకి కూడా తీసుకోలేదు. మ్యాచ్ సమయంలో అతడు డ్రింక్స్ మోస్తూ కనిపించాడు. నాకు తెలిసి ఇకముందు హైదరాబాద్ ఫ్రాంఛైజీతో అతడు కొనసాగకపోవచ్చు" అని స్టెయిన్ అభిప్రాయపడ్డాడు.
ఇవీ చదవండి: భారత్కు క్రికెట్ ఆస్ట్రేలియా విరాళం
