ఐపీఎల్ విషయంలో టీమ్ఇండియా అభ్యర్ధను ఇంగ్లాండ్ బోర్డు అంగీకరించి ఉండాల్సిందని ఆ దేశ మాజీ ఆటగాడు మార్క్ బుచర్ అభిప్రాయపడ్డాడు. ఐదు టెస్టుల సిరీస్ను వాయిదా వేసి, ఐపీఎల్ మిగిలిన మ్యాచ్లను ఇంగ్లీష్ గడ్డపై నిర్వహించి ఉంటే బాగుండేదని అన్నాడు. తద్వారా భారత స్టార్ క్రికెటర్లు 'ద హండ్రెడ్' లీగ్లో ఆడే అవకాశం ఉండేదని చెప్పాడు.
ఆగస్టు 4 నుంచి ఇంగ్లాండ్తో ఆ దేశంలో ఐదు టెస్టులు ఆడనుంది టీమ్ఇండియా. అయితే వాటిని వాయిదా వేసి, ఐపీఎల్ నిర్వహించేందుకు అనుమతి ఇవ్వాలని బీసీసీఐ కోరింది. కానీ ఈసీబీ(ECB) నుంచి ఎలాంటి స్పందన రాలేదు.
ఇదే విషయమై మాట్లాడిన ఇంగ్లాండ్ క్రికెట్ బోర్డు డైరెక్టర్ యాష్లే గైల్స్.. తమ ఆటగాళ్లను ఐపీఎల్ మిగిలిన మ్యాచ్ల్లో ఆడేందుకు అనుమతించేది లేదని స్పష్టం చేశారు. సదరు లీగ్ కోసం తమ జాతీయ జట్టు షెడ్యూల్ను మార్చుకునే ప్రసక్తే లేదని చెప్పారు.
ఏప్రిల్- మే లో మన దేశంలో జరిగిన ఐపీఎల్.. ప్లేయర్లకు కరోనా సోకిన కారణంగా నిరవధిక వాయిదా పడింది. అయితే మిగిలిన మ్యాచ్లను సెప్టెంబరు-అక్టోబరులో యూఏఈలో నిర్వహించాలని భారత బోర్డు భావిస్తోంది.
ఇవీ చదవండి:
