ప్లే ఆఫ్ రేసు సమీపిస్తున్న కొద్దీ ఐపీఎల్(IPL 2021 News) మరింత ఆసక్తికరంగా మారుతోంది. లీగ్ దశలో జట్ల మధ్య పోరు హోరాహోరీగా సాగుతోంది. ఈ నేపథ్యంలో భారత మాజీ ఓపెనర్ వీరేంద్ర సెహ్వాగ్(Virendra Sehwag latest comments) ఐపీఎల్పై ఆసక్తికర వ్యాఖ్యలు చేశాడు. ఈసారి కొత్త ఛాంపియన్ను చూడాలని ఆశిస్తున్నట్లు పేర్కొన్నాడు.
ఈ సీజన్లో చెన్నై సూపర్ కింగ్స్ టేబుల్ టాప్లో నిలిచింది. 18 పాయింట్స్తో ప్లే ఆఫ్స్కు మొదటగా చోటు సంపాదించింది. తర్వాతి స్థానంలో దిల్లీ జట్టు ఉండగా మూడో స్థానంలో ఆర్సీబీ రాణిస్తోంది. అయితే.. డిఫెండింగ్ ఛాంపియన్స్ ముంబయి ఇండియన్స్ మాత్రం ఈసారి పేలవ ప్రదర్శన కనబరుస్తోంది. ఈ నేపథ్యంలో ముంబయి జట్టును ఉద్దేశిస్తూ మాట్లాడాడు సెహ్వాగ్.
"ముంబయి ఇండియన్స్ టాప్-4కు రావాలని నేను ఆశించట్లేదు. కొత్త జట్టు క్వాలిఫై అవ్వాలి. కొత్త ఛాంపియన్ను చూడాలి. బెంగళూరు, దిల్లీ, పంజాబ్ జట్లలో ఓ జట్టుకు ట్రోఫీ దక్కితే బాగుంటుంది."
-సెహ్వాగ్, టీమ్ఇండియా మాజీ క్రికెటర్.
మిగతా మ్యాచ్లు కూడా గెలిస్తే ముంబయి ఇండియన్స్ ప్లే ఆఫ్స్కు సులభంగా వెళుతుందని చెప్పాడు సెహ్వాగ్. కానీ, అది అంత సులభం కాదని వ్యాఖ్యానించాడు. గెలవాలనే తపనలో కొన్ని తప్పిదాలు జరిగే అవకాశముందని అభిప్రాయపడ్డాడు.
ఐదు సార్లు ఐపీఎల్ ట్రోఫీ గెలిచిన ముంబయి ఇండియన్స్ ఈ సీజన్లో 10 పాయింట్లతో ఆరో స్థానంలో ఉంది. కాగా నేడు షార్జా వేదికగా దిల్లీ క్యాపిటల్స్తో తలపడనుంది ముంబయి.
ఇదీ చదవండి:
