Shreyas Iyer IPL 2022 Team: శ్రేయస్ అయ్యర్.. న్యూజిలాండ్తో జరుగుతున్న టెస్టు మ్యాచ్లో సెంచరీతో అలరించాడు. పరిమిత ఓవర్లలోనూ అత్యుత్తమ బ్యాటర్గా కొనసాగుతున్నాడు. కెప్టెన్గానూ దిల్లీ క్యాపిటల్స్కు మరపురాని విజయాలు అందించాడు. అయితే ఈ ఏడాది మెగావేలానికి ముందు ఇతడిని వదులుకునేందుకు సిద్ధమైంది దిల్లీ. దీంతో త్వరలో జరగబోయే వేలంలో(IPL 2022 Mega Auction) ఇతడిని తీసుకునేందుకు చాలా ఫ్రాంచైజీలు ఆసక్తి కనబరుస్తున్నాయి. అవేంటో చూద్దాం.
ఆర్సీబీ..
ఆర్సీబీకి కెప్టెన్సీకి గత సీజన్తోనే గుడ్బై చెప్పేశాడు విరాట్ కోహ్లీ. అలాగే ఏబీ డివిలియర్స్ కూడా రిటైర్మెంట్ ప్రకటించడం వల్ల మిడిలార్డర్లోనూ ఈ జట్టుకు బలమైన బ్యాటర్ అవసరం. అందువల్ల ఈ ఫ్రాంచైజీ చురుకైన కెప్టెన్తో పాటు నమ్మదగిన బ్యాటర్ను వేలంలో కొనుగోలు చేయాలని చూస్తోంది. దీంతో వారికి శ్రేయస్ అయ్యర్ మంచి ఆప్షన్లా కనిపిస్తున్నాడు.
సన్రైజర్స్ హైదరాబాద్
విలియమ్సన్, మనీష్ పాండేలాంటి ఆటగాళ్లను అట్టిపెట్టుకోవాలని చూస్తోంది సన్రైజర్స్. అయినా వారి బ్యాటింగ్ బలాన్ని మరింత పెంచుకునేందుకు శ్రేయస్ను తీసుకోవాలని చూస్తున్నట్లు తెలుస్తోంది. ఇతడిని తీసుకోవడం వల్ల మిడిలార్డర్లో బలమైన బ్యాటర్తో పాటు జట్టుకు భవిష్యత్ కెప్టెన్ దొరికినట్లు అవుతుందని భావిస్తోంది యాజమాన్యం.
అహ్మదాబాద్
ఐపీఎల్-2022లో కొత్త జట్టుగా అడుగుపెట్టబోతుంది అహ్మదాబాద్. దీంతో వారికి కెప్టెన్తో పాటు మంచి బ్యాటర్ కావాల్సి ఉంది. అలాంటి వారికి శ్రేయస్ గొప్ప ఆప్షన్ అని చెప్పవచ్చు. ఇప్పటికే టోర్నీలో 83 మ్యాచ్ల్లో 2375 పరుగులతో మంచి ప్రదర్శన కనబర్చాడు శ్రేయస్. ఈ గణాంకాల్ని దృష్టిలో పెట్టుకుని అతడిని వారి జట్టులోకి ఆహ్వానించేందుకు అహ్మదాబాద్ ఎదురుచూస్తున్నట్లు తెలుస్తోంది.
ఇవీ చూడండి: 12 నిమిషాల్లోనే మ్యాచ్కు సిద్ధమవ్వాలన్నారు: భరత్
