ఐపీఎల్ 2023 కొత్త సీజన్ మరి కొన్ని రోజుల్లో ప్రారంభంకానుంది. ఇప్పటికే ప్లేయర్స్.. ప్రాక్టీస్ కూడా ప్రారంభించేశారు. నెట్స్లో తీవ్రంగా శ్రమిస్తున్నారు. అయితే చెన్నై సూపర్ కింగ్స్ కెప్టెన్ మహేంద్ర సింగ్‌ ధోనీ ప్రాక్టీస్ చూసిన అభిమానులు సర్ప్రైజ్ అవుతున్నారు. ఎందుకంటే అతడు ఈ సారి ప్రాక్టీస్ సెషన్లో బౌలింగ్ చేస్తూ కనిపించాడు. దీంతో అతడు ఈ సీజన్లో బౌలింగ్ కూడా చేయబోతున్నాడా అనే అనుమానం ఫ్యాన్స్లో కలుగుతోంది. మరి ఈ సీజన్లో అతడు ఏం అద్భుతం చేయబోతున్నాడో తెలీదు కానీ.. చెపాక్‌ స్టేడియంలో మాత్రం బౌలింగ్ ప్రాక్టీస్ చేస్తూ అలరిస్తున్నాడు.
దీనికి సంబంధించిన వీడియోను చెన్నై సూపర్ కింగ్స్(సీఎస్కే) ఫ్రాంఛైజీ తన సోషల్మీడియా ఇన్‌స్టాగ్రామ్ అకౌంట్లో పోస్ట్‌ చేసింది. వాస్తవానికి మహీ బ్యాటింగ్‌, వికెట్‌ కీపింగ్‌పైనే ఎక్కువగా దృష్టి పెడుతుంతాడు. ఇది క్రికెట్ అభిమానులందరికీ తెలిసిన విషయమే. కానీ, అతడు బంతిని గింగిరాలు తిప్పుతూ బౌలింగ్ చేయడం ఎప్పుడూ చూడలేదు! అందుకే ఈ వీడియో ఫ్యాన్స్ను ఆశ్చర్యానికి గురి చేస్తోంది. ప్రస్తుతం ఈ వీడియో సోషల్మీడియాలో తెగ వైరల్ అవుతోంది. నెటిజన్లు లైక్స్, కామెంట్లతో హోరెత్తిస్తున్నారు.
ఇక ఈ బౌలింగ్ వీడియో చూసిన అభిమానులు చెన్నై కింగ్స్ టీమ్ పట్ల తనకున్న నిబద్ధతను, కష్టపడేతత్వాన్ని ప్రతిబింబిస్తోందని కామెంట్లు చేస్తున్నారు. మరోవైపు ధోనికి ఇదే చివరి ఐపీఎల్ సీజన్ అని మరికొంతమంది అభిమానులు భావిస్తున్నారు. ఈ వీడియోపై సీఎస్కే మాజీ ప్లేయర్ షేన్‌ వాట్సన్‌ కూడా స్పందించాడు. మహీ చాలా ఫిట్‌గా ఉన్నాడని.. అతడు మరో నాలుగేళ్ల వరకు అభిమానులను అలరించగలడని అభిప్రాయపడ్డాడు.
కాగా, సీఎస్కే.. ఇప్పటివరకు నాలుగు సార్లు ట్రోఫీని ముద్దాడింది. ఈ సారి కూడా ఎలాగైనా టైటిల్ నెగ్గాలని పట్టుదలతో ఉంది. దీనికోసం ఆక్షన్లో ఇంగ్లాండ్‌ ఆల్‌రౌండర్‌ బెన్‌స్టోక్స్‌ను కొనుగోలు చేసింది. గత సీజన్లో అందుబాటులో లేని దీపక్‌ చాహర్‌ను తిరిగి దక్కించుకుంది. అలానే గాయం కారణంగా గత సీజన్లో కొన్ని మ్యాచులకు దూరమైన రవీంద్ర జడేజా కూడా ఈ సీజన్లో ఆడనున్నాడు. మొత్తంగా టాలెంట్ ప్లేయర్స్తో బలంగా ఉన్న ఈ జట్టుపై అభిమానులు కూడా అంచనాలను ఎక్కువగానే పెట్టుకున్నారు. ఈ సారి ఎలాగైనా తమ అభిమాన జట్టు ట్రోఫీని ముద్దాడాలని ఆశిస్తున్నారు. ఈ ఐపీఎల్.. అహ్మదాబాద్‌లోని నరేంద్ర మోదీ స్టేడియం వేదికగా చెన్నై సూపర్ కింగ్స్-గుజరాత్‌ టైటాన్స్‌ మధ్య మ్యాచ్తో మార్చి 31న ప్రారంభంకానుంది. చూడాలి మరి సీఎస్కే ఈ సీజన్ను విజయంతో ప్రారంభిస్తుందో లేదో.
- " class="align-text-top noRightClick twitterSection" data="
">
ఇదీ చూడండి: వారం రోజుల్లోనే IPL.. ఆటగాళ్లను వేధిస్తున్న గాయాలు.. ఎవరెవరు దూరమయ్యారంటే?
