IPL 2022 RCB VS PBKS: ఐపీఎల్ 15వ సీజన్లో తొలి పోరుకు సిద్ధమైంది రాయల్ ఛాలెంజర్స్ బెంగళూరు. ముంబయి వేదికగా పంజాబ్ కింగ్స్తో నేడు (ఆదివారం) తలపడనుంది. మూడు సార్లు ఫైనల్ చేరినా.. ఆర్సీబీకి ట్రోఫీ గెలవడం ఇంకా కలగానే మిగిలింది. దశాబ్దకాలం కెప్టెన్గా వ్యవరించి ఈ సీజన్లో కేవలం ఆటగాడినే బరిలోకి దిగనున్నాడు కోహ్లీ. మ్యాచ్లో అతడిపైనే అందరి దృష్టి ఉంటుందనడంలో సందేహం లేదు. మరోవైపు పంజాబ్ కూడా ఇప్పటివరకు ఐపీఎల్ టైటిల్ గెలవలేదు. నూతన సారథి మయాంక్ నాయకత్వంలోనైనా ఆ జట్టు రాత మారుతుందేమో చూడాలి.
కోహ్లీతో ప్రత్యర్థికి కష్టమే!
గతేడాది చెన్నై కప్పు గెలవడంలో కీలక పాత్ర పోషించిన ఫాఫ్ డుప్లెసిస్ను జట్టులోకి తీసుకొని సారథిగా నియమించింది ఆర్సీబీ. అతడితో పాటు కెప్టెన్సీ ఒత్తిడి లేని కోహ్లీ స్వేచ్ఛగా ఆడితే.. ప్రత్యర్థి జట్టుకు ముప్పు తప్పదు. మరోవైపు స్టార్ ప్లేయర్లు మ్యాక్స్వెల్, బౌలర్ హేజిల్వుడ్ తొలి మ్యాచులకు దూరంకానుండడం ఆర్సీబీకి ఎదురుదెబ్బే. శ్రీలంక ఆల్రౌండర్ హసరంగ ఫామ్లో ఉండడం జట్టుకు కలిసొచ్చే అంశం. బౌలింగ్లో సిరాజ్, హర్షల్ పటేల్ కీలకం కానున్నారు. దినేశ్ కార్తీక్ తొలిసారిగా ఆర్సీబీకి ప్రాతినిథ్యం వహిస్తున్నాడు.
కొత్త కెప్టెన్ రాణిస్తాడా?
పంజాబ్ కింగ్స్ కూడా కొత్త కెప్టెన్తోనే బరిలోకి దిగనుంది. గతేడాది సారథిగా ఉన్న కేఎల్ రాహుల్.. లఖ్నవూకు మారడం వల్ల ఆ బాధ్యతను మయాంక్కు అప్పగించారు. ప్రధాన ఆటగాళ్లు జానీ బెయిర్స్టో, కగిసో రబాడ ఈ మ్యాచ్కు అందుబాటులో లేకపోవడం పంజాబ్కు ఎదురుదెబ్బే. అన్ని దేశవాళీ ఫార్మాట్లలో సత్తాచాటుతూ వస్తున్న షారుక్ఖాన్.. ఐపీఎల్లోనూ రాణించాలని పంజాబ్ ఆశిస్తోంది.
హెడ్ టూ హెడ్: ఐపీఎల్‌లో ఇరు జట్లు ఇప్పటి వరకు 28 సార్లు తలపడ్డాయి. 15 మ్యాచుల్లో పంజాబ్ కింగ్స్ గెలిచింది. 13 మ్యాచుల్లో ఆర్సీబీ విజయం సాధించింది. ముంబయిలోని డీవై పాటిల్ స్టేడియం వేదికగా సాయంత్రం 07:30 గంటలకు నేడు (ఆదివారం) మ్యాచ్ జరగనుంది.
ఇదీ చదవండి: Ipl 2022: ఆరో టైటిల్ వేటలో ముంబయి.. దిల్లీతో నేడే తొలి పోరు
