IPL 2022 KKR VS PBKS: ఇండియన్ ప్రీమియర్ లీగ్ 2022 సీజన్లో నేడు మరో ఆసక్తికర మ్యాచ్ జరగనుంది. రెండు సార్లు లీగ్ విజేత కోల్కతా నైట్రైడర్స్ జట్టుతో పంజాబ్ కింగ్స్ తలపడనుంది. శ్రేయస్ అయ్యర్ నాయకత్వంలోని కోల్కతా జట్టు.. తన ఆరంభ మ్యాచ్లో చెన్నై సూపర్ కింగ్స్ పై ఘనవిజయం సాధించి శుభారంభం చేసింది. అయితే అనంతరం రాయల్ ఛాలెంజర్స్ బెంగళూరుతో జరిగిన మ్యాచ్లో ఊహించని విధంగా విఫలమై ఓటమిని మూట గట్టుకుంది. మరో వైపు తొలి మ్యాచ్లోనే బెంగళూరును జట్టును ఓడించిన పంజాబ్ కింగ్స్ మరో విజయంపై కన్నేసింది.
శ్రేయస్ను భయపెడుతున్న రసెల్ గాయం: కోల్కతా నైట్రైడర్స్ రిటైన్ చేసుకున్న ప్లేయర్లలో కరీబియన్ విధ్వంసకర ప్లేయర్ ఆండ్రీ రసెల్ ఒకడు. గాయాలతో తరచూ ఇబ్బంది పడే రసెల్.. తాజాగా మరోసారి గాయపడ్డాడు. ఇదే ఇప్పుడు శ్రేయస్ అయ్యర్ను భయపెడుతోంది. భారీ షాట్లతో విరుచుకుపడే రసెల్.. బంతితోనూ వికెట్లు తీయగలడు. అయితే ఇప్పుడు రసెల్ మ్యాచ్కు దూరమవ్వడం కేకేఆర్ను కలవరపెట్టే అంశం. ఓపెనర్లు అజింక్య రహానె, వెంకటేశ్ అయ్యర్లు కూడా ధాటిగా ఆడాల్సి ఉంది. ఇక వరుణ్ చక్రవర్తి రూపంలో కేకేఆర్ను మరో సమస్య వెంటాడుతోంది. మిస్టర్ స్పిన్నర్గా పేరు గాంచిన అతడు.. ఆడిన రెండు మ్యాచుల్లోనూ దారుణంగా విఫలమయ్యాడు. పేసర్ ఉమేష్ యాదవ్ రెండు గేమ్‌ల్లోనూ అద్భుతంగా రాణించగా.. కివీస్ బౌలర్ టిమ్ సౌథీ కీలక పాత్ర పోషించాడు.
దూకుడు మీదున్న పంజాబ్ కింగ్స్: ఆర్సీబీ లాంటి జట్టు నిర్దేశించిన 206 పరుగులు లక్ష్యాన్ని మరో ఓవర్ మిగిలి ఉండగానే ఛేదించడం అంటే మామూలు విషయం కాదు. కానీ, పంజాబ్ దాన్ని చేసి చూపించింది. కెప్టెన్ మయాంక్, శిఖర్ ధావన్, భానుక రాజపక్సలు అద్భుతంగా రాణించారు. వారితో పాటు చివర్లో ఒడెన్ స్మిత్, షారుఖ్ ఖాన్ ఆ మ్యాచ్లో చెలరేగిపోయారు. ఐపీఎల్ అరంగేట్రంలోనే విఫలమైన అండర్‌-19 ప్రపంచకప్‌ స్టార్‌ రాజ్‌ బావాకు మరో అవకాశం దక్కుతుందేమో చూడాలి. అయితే బౌలర్లు రాహుల్ చాహర్, సందీప్ శర్మ, అర్ష్దీప్ సింగ్ ఈ సారి మెరుగ్గా రాణించాలి.
హెడ్ టు హెడ్: ఇరు జట్ల ముఖాముఖి పోరులో కేకేఆర్ ఆధిపత్యం స్పష్టంగా కనిపిస్తోంది. కేకేఆర్, పంజాబ్ జట్లు ఇప్పటివరకు 29 మ్యాచులు ఆడాయి. ఇందులో కేకేఆర్ 19 మ్యాచుల్లో విజయం సాధిస్తే.. పంజాబ్ 10 మ్యాచుల్లో నెగ్గింది.
ఇదీ చదవండి: ఐపీఎల్ అభిమానులకు మరో గుడ్న్యూస్.. త్వరలోనే బీసీసీఐ ప్రకటన?
