Jason Roy century: వెస్టిండీస్తో ఐదు మ్యాచ్ల టీ20 సిరీస్కు ముందు జరిగిన వార్మప్ మ్యాచ్లో ఇంగ్లాండ్ బ్యాటర్ జేసన్ రాయ్ అదరగొట్టాడు. 36 బంతుల్లో 10 సిక్సర్లు, 9 ఫోర్లతో విధ్వంసం సృష్టించాడు. బార్బడోస్ ప్రెసిడెంట్స్ ఎలెవన్తో జరిగిన మ్యాచ్లో జేసన్ ఈ మార్క్ను అందుకున్నాడు.
కెన్సింగ్టన్ ఓవల్ వేదికగా జరిగిన ఈ మ్యాచ్లో మొత్తం 47 బంతులను ఎదుర్కొన్న జేసన్ 115 పరుగులు చేశాడు. ఫలితంగా ఇంగ్లాండ్ నాలుగు వికెట్లు కోల్పోయి 231 పరుగులు చేసింది. అనంతరం లక్ష్య ఛేదనలో ప్రత్యర్థి జట్టు కేవలం 137 రన్స్కే చేతులెత్తేసింది. దీంతో ఇంగ్లాండ్ జట్టు విజయం సాధించింది.
జేసన్ రాయ్.. త్వరలోనే ఐపీఎల్ మెగా వేలంలో పాల్గొనబోతున్నాడు. ఇప్పుడీ సునామీ ఇన్నింగ్స్ ద్వారా అతడు ఈ మెగావేలంలో భారీ ధరకు అమ్ముడుపోయే అవకాశం ఉంది. కాగా, అతడు గత ఐపీఎల్లో సన్రైజర్స్ హైదరాబాద్కు ప్రాతినిధ్యం వహించాడు.
ఇదీ చూడండి:
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
Australian open: రెండో రౌండ్కు సానియా.. ముర్రే, ఎమ్మా ఔట్
