IPL 2022 CSK VS LSG: ఐపీఎల్ 2022 సీజన్లో మరో ఆసక్తికర పోరుకు రంగం సిద్ధమైంది. తమ తొలి మ్యాచుల్లో ప్రత్యర్థుల చేతిలో ఓటమిపాలైన చెన్నై సూపర్ కింగ్స్, లఖ్నవూ సూపర్ జెయింట్స్ జట్లు నేడు(గురువారం)తలపడేందుకు సిద్ధమయ్యాయి. బ్రబౌర్న్ స్టేడియం వేదికగా ఈ మ్యాచ్ జరగనుంది. టాస్ గెలిచిన లఖ్నవూ జట్టు ఫీల్డింగ్ ఎంచుకుంది. చెన్నై జట్టుకు బ్యాటింగ్ అప్పగించింది. మరి ఈ మ్యాచ్లో గెలుపు ఎవరిని వరిస్తుందో చూడాలి.
అరుదైన రికార్డుల చేరువలో ధోనీ, బ్రావో: చెన్నై సూపర్ ఆల్‌రౌండర్‌ డ్వేన్‌బ్రావో మెగా టీ20 లీగ్‌లో ఓ అతిగొప్ప రికార్డుపై కన్నేశాడు. లీగ్‌ చరిత్రలోనే అత్యధిక వికెట్లు తీసిన శ్రీలంక పేస్‌ దిగ్గజం, ముంబయి మాజీ బౌలర్‌ లసిత్‌ మలింగ (170) సరసన కొనసాగుతున్న చెన్నై ఆల్‌రౌండర్‌.. ఈ రోజు లఖ్‌నవూతో జరగబోయే మ్యాచ్లో మరో వికెట్‌ సాధిస్తే తన పేరిట కొత్త రికార్డు నెలకొల్పనున్నాడు. ఈ సీజన్ ఆరంభ మ్యాచ్లో బ్రావో కోల్‌కతాపై 3 వికెట్లు తీశాడు. దీంతో అతడు మలింగ సరసన 170 వికెట్లతో సమానంగా నిలిచాడు. ఇక ఈ రోజు మలింగ ఎన్ని ఎక్కువ వికెట్లు సాధిస్తే.. అంతముందుకు దూసుకెళ్తాడు. మరో వైపు, చెన్నై సూపర్ కింగ్స్ జట్టు మాజీ సారథి మహేంద్రసింగ్‌ ధోనీ అరుదైన క్లబ్లోకి చేరనున్నాడు. ఈ రోజు జరిగే మ్యాచ్లో ధోనీ మరో 15 పరుగులు చేస్తే.. పొట్టి క్రికెట్‌లో 7000 పరుగుల మైలరాయిని చేరుకున్న ఐదో భారత క్రికెటర్‌గా రికార్డుల్లోకెక్కుతాడు. ప్రస్తుతం ధోనీ ఖాతాలో 6985 పరుగులు ఉన్నాయి.
తుది జట్ల వివరాలివీ
లఖ్నవూ సూపర్ జెయింట్స్: కేఎల్ రాహుల్(కెప్టెన్), క్వింటన్ డికాక్, ఎవిన్ లూయిస్, మనీష్ పాండే, దీపక్ హుడా, కృనాల్ పాండ్య, ఆయుష్ బదోని, దుష్మంత చమీరా, రవి బిష్ణోయ్, అవేశ్ ఖాన్, ఆండ్రూ టై.
చెన్నై సూపర్ కింగ్స్: రవీంద్ర జడేజా(కెప్టెన్), రుతురాజ్ గైక్వాడ్, డెవాన్‌ కాన్వే , రాబిన్ ఊతప్ప, అంబటి రాయుడు, శివమ్ దుబె, ఎంఎస్ ధోనీ, బ్రావో, ముఖేశ్ చౌదరి, తూషార్ దేశ్పాండే, మొయిన్ అలీ, డ్వేన్ ప్రీటోరియస్.
ఇదీ చదవండి: 'ఫుట్బాల్కు రొనాల్డో.. క్రికెట్కు విరాట్ కోహ్లీ'
