అబుదాబి వేదికగా శనివారం జరిగిన మ్యాచ్లో బెంగళూరుపై హైదరాబాద్ అద్భుత విజయం సాధించింది. ఈ మ్యాచ్లో ఆర్సీబీ కెప్టెన్ కోహ్లీని సన్రైజర్స్ పేసర్ సందీప్ శర్మ మరోసారి బౌల్డ్ చేశాడు. ఈ మ్యాచ్తో కలిపి ఇప్పటికీ ఏడు సార్లు కోహ్లీని పెవీలియన్ చేర్చాడు.
ఐపీఎల్లో సందీప్ శర్మతో ఆడిన 12 మ్యాచుల్లో కోహ్లీ, ఇప్పటివరకు 68 పరుగుల మాత్రమే చేయగలిగాడు. అయితే విరాట్ వికెట్ తీయడం తనకు ఎప్పుడూ ప్రత్యేక అనుభూతిని కలిగిస్తుందని అంటున్నాడు ఈ పేసర్.
శనివారం జరిగిన మ్యాచ్లో ఏడు బంతులు ఆడి ఏడు పరుగులు మాత్రమే కోహ్లీ చేయగలిగాడు. శర్మ వేసిన ఔట్స్వింగర్ను ఎదుర్కొన్న కోహ్లీ.. విలియమ్స్న్ చేతికి చిక్కి ఔటయ్యాడు. ఒకే బౌలర్ చేతిలో ఏడుసార్లు ఔట్ అయిన వ్యక్తిగా అంతకుముందు ధోనీ ఉన్నాడు. జహీర్ ఖాన్ చేతిలో ఏడుసార్లు పెవిలియన్ చేరాడు మహీ.
ఇదీ చూడండి:ప్లేఆఫ్స్ కోసం పంజాబ్.. పరువు నిలుపుకోవాలని చెన్నై
