గురువారం జరిగిన మ్యాచ్లో సన్రైజర్స్ హైదరాబాద్ చేతిలో ఓటమిపాలైంది రాజస్థాన్ రాయల్స్. ఈ సందర్భంగా మట్లాడిన జట్టు కెప్టెన్ స్టీవ్ స్మిత్.. ఇప్పటి నుంచి ఆడే ప్రతీ మ్యాచ్ గెలవాలని ఆశాభావం వ్యక్తం చేశాడు. ప్రయత్నమైతే చేయగలం కానీ పరిస్థితులు ఎలా ఉంటాయో ఊహించలేం అని అన్నాడు.
" ఆరంభంలో బాగా ఆడాం. జోఫ్రా అర్చర్ ఇద్దరు హైదరాబాద్ కీలక బ్యాట్స్మెన్ను త్వరగా పెవిలియన్కు పంపాడు. విజయ్ శంకర్, మనీష్ పాండే చాకచక్యంగా ఆడి హైదరాబాద్ గెలుపులో కీలక పాత్ర పోషించారు. తొలుత బ్యాటింగ్కు దిగిన మేము.. మరిన్ని పరుగులు చేసి ఉండాల్సింది. వెనువెంటనే అన్ని మ్యాచ్లు గెలవడం అంత సులభమేం కాదు. కానీ, ఇప్పటినుంచి అన్ని మ్యాచ్లు గెలిచే ప్రయత్నం చేస్తాం".
-స్టీవ్ స్మిత్, రాజస్థాన్ రాయల్స్ కెప్టెన్.
ఈ మ్యాచ్లో రాజస్థాన్పై గెలిచి ప్లే ఆఫ్స్ ఆశలు సజీవం చేసుకుంది సన్రైజర్స్ హైదరాబాద్. మనీష్ పాండే (83), విజయ్ శంకర్(52) పరుగులతో జట్టు విజయంలో కీలక పాత్ర పోషించారు.
