ఇటీవలే ముగిసిన ఐపీఎల్ గురించి నెటిజన్లు తెగ చర్చించుకున్నారు. కోటికి పైగా ముచ్చట్లు ఈ సీజన్ చుట్టూనే నడిచాయి. వ్యక్తుల్లో కోహ్లీ, జట్లలో ముంబయి ఇండియన్స్ తొలి స్థానాల్లో నిలిచాయి. ఆ తర్వాత రాయల్ ఛాలెంజర్స్ బెంగళూరు, చెన్నై సూపర్ కింగ్స్ గురించి మాట్లాడుకున్నారని ఫేస్బుక్ సంస్థ వెల్లడించింది.
మరిన్ని విశేషాలు..
- ఐపీఎల్ పదమూడో సీజన్ గురించి కోటికి పైగా ప్రస్తావనలు వచ్చాయి. దీని గురించి చర్చించుకున్న వారిలో 74 శాతం మంది 18-34 ఏళ్ల వయసు గలవారే.
- ఆటగాళ్లలో కోహ్లీ గురించి ఫేస్బుక్లో ఎక్కువ మంది మాట్లాడుకున్నారు. ఆ తర్వాతి స్థానాల్లో చెన్నై సారథి ధోనీ, ముంబయి సారథి రోహిత్ శర్మ నిలిచారు.
- ఉత్తర్ ప్రదేశ్, బంగాల్, కర్ణాటక, బిహార్ రాష్ట్రాల్లో ఐపీఎల్ గురించి ఎక్కువగా ప్రస్తావనలు వచ్చినట్లు ఫేస్బుక్ తెలిపింది.
పెరుగుతున్నారు..
ఫేస్బుక్తోపాటు దాని అనుబంధ సంస్థలైన వాట్సాప్, ఇన్స్టాగ్రామ్ వేదికలుగాను ఐపీఎల్పై చర్చలు నడిచాయని చెప్పారు ఫేస్బుక్ ఇండియా డైరెక్టర్ మనీశ్ చోప్రా.
దుబాయ్ వేదికగా నవంబరు 10న జరిగిన ఫైనల్లో ముంబయి ఇండియన్స్ విజయం సాధించింది. దిల్లీ క్యాపిటల్స్పై గెలిచి ఐదోసారి టైటిల్ను ముద్దాడిన జట్టుగా నిలిచింది.
ఇదీ చూడండి:
