ఇప్పటికే ప్లే ఆఫ్స్కు అర్హత సాధించిన ముంబయి ఇండియన్స్తో సన్రైజర్స్ హైదరాబాద్ తలపడేందుకు సిద్ధమవుతోంది. షార్జా వేదికగా మంగళవారం జరిగే ఈ పోరులో గెలిచి, ప్లేఆఫ్స్లో చోటు దక్కించుకోవాలని వార్నర్సేన భావిస్తోంది. మరి ఈ పోరులో ఎవరు విజయం సాధిస్తారో?
మరో మెట్టు పైకి ఎక్కుతుందా?
పాయింట్ల పట్టికలో హైదరాబాద్ ప్రస్తుతం ఐదో స్థానంలో ఉంది. గత రెండు మ్యాచుల్లో గెలిచి జోష్తో ఉందీ జట్టు. సారథి వార్నర్, సాహా ఓపెనింగ్ భాగస్వామ్యం అదరగొడుతోంది. ఆల్రౌండర్ హోల్డర్ జట్టుకు బాగా సహకరిస్తున్నాడు. బౌలింగ్ విభాగంలో రషీద్ ఖాన్, నటరాజన్, సందీప్ శర్మ, హోల్డర్తో బలంగా ఉంది. ముంబయితో జరిగే మ్యాచ్లో గెలిస్తే.. నెట్ రన్రేట్ ఆధారంగా ప్లే ఆఫ్స్లో అడుగుపెట్టే అవకాశముంది. మరి వార్నర్సేన ఎలా ఆడుతుందో చూడాలి.
జట్టు బలంగా ఉంది
ఐదో టైటిల్పై కన్నేసిన ముంబయి.. పూర్తి పట్టుదలతో ఉంది. ఇప్పటికే ప్లే ఆఫ్స్కు అర్హత సాధించి మంచి దూకుడు మీద ఉంది. సన్రైజర్స్తో మ్యాచ్లోనూ రోహిత్ లేకుండానే బరిలో దిగునుంది. అతడి స్థానంలో తాత్కాలిక సారథిగా ఉన్న పొలార్డ్ బాగానే ఆడుతున్నాడు. ఇషాన్ కిషన్, డి కాక్, సూర్యకుమార్ యాదవ్ లాంటి ఆటగాళ్లతో బ్యాటింగ్ విభాగం బలంగా ఉంది. ఆల్రౌండర్లు హార్దిక్ పాండ్య, కృనాల్ పాండ్య బాగా రాణిస్తున్నారు. బౌలర్లు బౌల్ట్, బుమ్రా సహకారం తోడవ్వడం జట్టుకు బాగా కలిసి వస్తోంది. మొత్తంగా సమష్టి ప్రదర్శనతో మంచి ప్రదర్శన చేస్తోంది రోహిత్ సేన.
జట్లు (అంచనా)
ముంబయి: డి కాక్, ఇషాన్ కిషన్, సూర్యకుమార్ యాదవ్, సౌరభ్ తివారీ, కృనాల్ పాండ్య, పొలార్డ్ (కెప్టెన్), కౌల్టర్నీల్, రాహుల్ చాహర్, జయంత్ యాదవ్, బౌల్ట్, బుమ్రా
హైదరాబాద్: డేవిడ్ వార్నర్ (కెప్టెన్), సాహా, విలియమ్సన్, మనీశ్ పాండే, ప్రియమ్ గార్గ్, విజయ్ శంకర్, జేసన్ హోల్డర్, రషీద్ ఖాన్, ఖలీల్ అహ్మద్, సందీప్ శర్మ, నటరాజన్
ఇదీ చూడండి ఛేదనలో మాదీ మేటి జట్టే: డేవిడ్ వార్నర్
