కరోనా ప్రభావంతో ఈ ఏడాది అసలు జరుగుతుందా? లేదా అనుకున్న ఐపీఎల్.. ఏకంగా థ్రిల్లర్ సినిమాను తలపించింది. ప్రతి మ్యాచ్ ఉత్కంఠకు గురిచేస్తూ అభిమానుల్ని విపరీతంగా ఆకట్టుకుంది. ఈ క్రమంలోనే వ్యూయర్షిప్ను పెంచుకుంది. బీసీసీఐ విడుదల చేసిన గణాంకాల ప్రకారం గతేడాదితో పోలిస్తే ఈసారి 28 శాతం వ్యూయర్షిప్ పెరిగింది. ఇదే సందర్భంగా సీజన్ స్పాన్సర్గా వ్యవహరించిన డ్రీమ్ ఎలెవన్ సంస్థకు ఐపీఎల్ ఛైర్మన్ బ్రిజేశ్ పటేల్ ధన్యవాదాలు తెలిపారు.
ముంబయి ఇండియన్స్, రాజస్థాన్ రాయల్స్.. డిజిటల్గా తమ అభిమానులకు మరింత దగ్గరయ్యాయి. ఎప్పటికప్పుడు లైవ్ అప్డేట్స్ను వారికి అందించి, లీగ్ విజయవంతం కావడంలో తమ వంతు పాత్ర పోషించాయి.
దుబాయ్ వేదికగా మంగళవారం(నవంబరు 10) జరిగిన ఫైనల్లో ముంబయి ఇండియన్స్ విజయం సాధించింది. దిల్లీ క్యాపిటల్స్తో జరిగిన తుదిపోరులో గెలిచి, లీగ్ చరిత్రలోనే అత్యధికంగా ఐదోసారి టైటిల్ను ముద్దాడింది. వచ్చే ఏప్రిల్-మే మధ్యలో టోర్నీని భారత్లోనే నిర్వహించనున్నాట్లు బీసీసీఐ అధ్యక్షుడు గంగూలీ చెప్పారు. త్వరలో మెగావేలం కూడా జరపనున్నారు.
ఇదీ చూడండి:ఈ ఐపీఎల్.. అందరికీ ప్రియమైన లీగ్
