రాజస్థాన్ రాయల్స్ ఆల్రౌండర్ బెన్స్టోక్స్ ఐపీఎల్లో అడుగుపెట్టనున్నాడు. ఆదివారం యూఏఈ చేరాక కొవిడ్ టెస్టు చేయించుకుంటాడని.. ఆ తర్వాత వెంటనే ఆరు రోజుల పాటు నిర్బంధంలో ఉంటాడని రాజస్థాన్ జట్టుకు చెందిన ఓ అధికారి వెల్లడించారు. అక్టోబరు 11న సన్రైజర్స్ హైదరాబాద్తో జరిగే మ్యాచ్తో స్టోక్స్ అందుబాటులోకి వస్తాడని తెలిపారు.
"స్టోక్స్ హోటల్కు చేరుకున్న వెంటనే తన నిర్బంధాన్ని ప్రారంభిస్తాడు. ఈరోజే అతడికి మొదటి కొవిడ్ టెస్టు చేస్తారు. స్టోక్స్ 6 రోజుల నిర్బంధం పూర్తయ్యే రోజునే(అక్టోబరు 9) దిల్లీ క్యాపిటల్స్తో మ్యాచ్ ఉంటుంది. అయినా అతడిని అక్టోబరు 11న సన్రైజర్స్ హైదరాబాద్తో జరిగే మ్యాచ్తో తుదిజట్టులో ఆడించాలని భావిస్తున్నాం. ఎందుకంటే స్టోక్స్ కొంతకాలంగా ఆటకు దూరంగా ఉన్నందున తిరిగి గాడిలోకి రావడానికి హైదరాబాద్తో మ్యాచ్కు ముందు ప్రాకీస్టు ఉపయోగపడుతుంది."
- రాజస్థాన్ రాయల్స్ జట్టు అధికారి
యూకే బయో-బబుల్ నుంచి దుబాయ్ వచ్చిన ఇంగ్లాండ్, ఆస్ట్రేలియా ఆటగాళ్లను 36 గంటలు నిర్బంధంలో ఉంచగా.. అబుదాబి వెళ్లిన క్రికెటర్లు ఆరు రోజుల పాటు క్వారంటైన్లో ఉండాల్సి వచ్చింది. అదే విధంగా న్యూజిలాండ్ నుంచి యూఏఈకి వచ్చిన బెన్ స్టోక్స్ ఆరు రోజుల క్వారంటైన్లో ఉంటాడు.
అబుదాబి వేదికగా రాయల్ ఛాలెంజర్స్ బెంగళూరుతో శనివారం జరిగిన మ్యాచ్లో రాజస్థాన్ రాయల్స్ ఓటమి పాలైంది. ఐపీఎల్లో ఇప్పటి వరకు నాలుగు మ్యాచ్లు ఆడిన స్మిత్ సేన రెండు విజయాలను నమోదు చేసుకుంది.
