Road Safety World Series 2022 : లెజెండ్స్ రోడ్ సేఫ్టీ వరల్డ్ సిరీస్ సీజన్ 2లో ఇండియా లెజెండ్స్ ఛాంపియన్గా నిలిచింది. శ్రీలంక లెజెండ్స్తో జరిగిన ఫైనల్లో విజయం సాధించింది ఇండియా. రాయ్పుర్ స్టేడియంలో శనివారం జరిగిన ఈ మ్యాచ్లో భారత జట్టు 33 పరుగుల తేడాతో శ్రీలంకను ఓడించింది.
196 పరుగుల భారీ లక్ష్యంతో బరిలోకి దిగిన శ్రీలంకను 18.5 ఓవర్లలో 162 పరుగులకే ఆలౌట్ చేశారు. భారత బౌలర్లలో వినయ్ కుమార్ 3 వికెట్లు తీసి విజయంలో కీలక పాత్ర పోషించాడు. అంతకుముందు టాస్ గెలిచి బ్యాటింగ్ ఎంచుకున్న భారత్కు 20 ఓవర్లలో 195 పరుగులు చేసింది. భారత బ్యాటర్ నమన్ ఓజా 71 బంతుల్లో 108 పరుగులు చేసి అజేయంగా నిలిచారు.
