IND VS WI Kohli Duck out: సెంచరీ చేస్తాడని ఎంతో ఆసక్తిగా ఎదురుచూసిన టీమ్ఇండియా మాజీ సారథి కోహ్లీ అభిమానులకు మళ్లీ నిరాశే ఎదురైంది. ప్రస్తుతం వెస్టిండీస్తో జరుగుతున్న మూడో మ్యాచ్లో అతడు డకౌట్గా వెనుదిరిగాడు.
దక్షిణాఫ్రికా పర్యటనకు ముందు వన్డే కెప్టెన్సీ నుంచి తప్పుకున్న విరాట్.. భారీ పరుగులతో రాణిస్తాడని ఫ్యాన్స్ ఆశపడ్డారు. కానీ అతడు 51,0,65 రన్స్ చేసి సెంచరీ మార్క్ను అందుకోలేకపోయాడు. కనీసం స్వదేశంలో వెస్డిండీస్తో జరుగుతున్న సిరీస్లోనైనా శతకం సాధిస్తే చూడాలనుకున్నారు. కానీ వారి అంచనాలు విరాట్ తలకిందులు చేశాడు.
తొలి వన్డేలో(4 బంతుల్లో 8 పరుగులు), రెండో వన్డేలో(30 బంతుల్లో 18), మూడో వన్డేలో డకౌట్గా వెనుదిరిగాడు. కాగా, విరాట్.. 2015 తర్వాత వన్డే సిరీస్లో 50 ప్లస్ స్కోరు చేయకపోవడం ఇదే తొలిసారి. దీంతో కోహ్లీ ప్రదర్శనపై అభిమానులు ఆవేదన వ్యక్తం చేస్తుండగా.. మరి కొంత మంది నెటిజన్లు సెట్టైర్లు వేస్తున్నారు.
నాలుగో స్థానంలో
కోహ్లీ వన్డేల్లో డకౌట్ కావడం ఇది 15వ సారి. టీమ్ఇండియా తరఫున వన్డేల్లో అత్యధికసార్లు డకౌట్ అయిన బ్యాటర్గా విరాట్ నాలుగో స్థానంలో ఉన్నాడు. అంతకుముందు సచిన్(20), యువరాజ్ సింగ్(18), గంగూలీ(16) ఉన్నారు. అన్ని ఫార్మాట్లలో కలిపి కోహ్లీ ఇప్పటివరకు 32 సార్లు డకౌట్ అయి రెండో స్థానంలో ఉన్నాడు. తొలి స్థానంలో సచిన్(34), మూడో స్థానంలో సెహ్వాగ్(31) ఉన్నారు.
ఇదీ చూడండి: ఐపీఎల్లో అత్యధిక ధర పలికిన ఆటగాళ్లు వీరే!
