Ind vs sa t20 series: భారత్తో దక్షిణాఫ్రికా టీ20 సిరీస్ ఖరారైంది. ఐపీఎల్ సీజన్ ముగిశాక జూన్లో భారత్కు దక్షిణాఫ్రికా జట్టు రానుంది. ఈ పర్యటనలో భాగంగా టీమ్ఇండియాతో ఐదు టీ20 మ్యాచ్లు ఆడనుంది. జూన్ 6 నుంచి 19 వరకు సిరీస్ జరగనున్నట్లు తెలుస్తోంది. కటక్, వైజాగ్, దిల్లీ, రాజ్కోట్, చెన్నైలో మ్యాచులు జరుగుతాయని సమాచారం.
మార్చి 26 నుంచి మే 29 వరకు ముంబై, పుణెల్లో ఐపీఎల్ జరగనుంది. ఈ టోర్నీ ముగిసిన 10 రోజుల తర్వాత దక్షిణాఫ్రికాతో టీ20 సిరీస్ ప్రారంభం కానుంది. ఈ సిరీస్ ఫ్యూచర్ టూర్స్ ప్రోగ్రామ్ (ఎఫ్‌టీపీ)లో భాగమని బీసీసీఐ అధికారి తెలిపారు. అయితే ఈ పర్యటన ముగిశాక టీమ్ఇండియా ఇంగ్లండ్‌కు వెళ్లనుంది. గత ఏడాది టెస్టు సిరీస్లో మిగిలిన నాలుగో టెస్టును భారత్ ఆడనుంది. ఈ సిరీస్లో 2-1తో ఆధిక్యంలో ఉంది.
ఈ ఏడాది జూన్ 26, 28 తేదీల్లో మలహైడ్ వేదికగా ఐర్లాండ్ జట్టుతో రెండు టీ20లు ఆడనుంది టీమ్ఇండియా. అయితే ఈ పర్యటనలో సీనియర్లకు విశ్రాంతినిచ్చి టీమ్ ఇండియా యువ జట్టును పంపనుంది బీసీసీఐ.
ఇదీ చదవండి: నాలుగేళ్ల తర్వాత ఐర్లాండ్ టూర్కు టీమ్ఇండియా- రోహిత్, కోహ్లీ దూరం!
