IND VS NZ women cricket: న్యూజిలాండ్తో జరిగిన నాలుగో వన్డేలోనూ భారత మహిళా క్రికెట్ జట్టు ఓడిపోయింది. 63 పరుగుల తేడాతో మరో ఓటమిని ఖాతాలో వేసుకుంది. కాగా, వర్షం కారణంగా ఈ మ్యాచును 20ఓవర్లకు కుదించారు. ప్లేయర్ ఆఫ్ ది మ్యాచ్ అవార్డు అమెలియా కెర్కు దక్కింది. ఈ విజయంతో ఐదు మ్యాచుల ఈ సిరీస్లో న్యూజిలాండ్ 4-0తేడాతో ఆధిక్యంలో నిలిచింది.
ప్రత్యర్థి జట్టు నిర్దేశించిన 192 పరుగుల లక్ష్యాన్ని భారత జట్టు ఛేదించలేకపోయింది. 17.5 ఓవర్లలో 128 పరుగులు చేసి ఆలౌట్ అయింది. రిచా ఘోష్(52) టాప్ స్కోరర్. కెప్టెన్ మిథాలీ రాజ్(30) నామమాత్రంగా ఆడగా మిగతా వారు విఫలమయ్యారు. న్యూజిలాండ్ బౌలర్లలో హెలే జెన్సన్ 3, అమెలియా కెర్ 3, ఫ్లాన్సెస్ మ్యాకే 2, జెస్ కెర్ 2 వికెట్లు దక్కించుకున్నారు.
అంతకుముందు టాస్ ఓడి బ్యాటింగ్కు దిగిన న్యుజిలాండ్లో అమెలీయా కెర్(68) హాఫ్ సెంచరీతో మెరవగా.. బేట్స్(41), సోఫీ డివైన్(32), సాటర్(satterthwaite, 32) రాణించారు. భారత బౌలర్లలో రేనుకా సింగ్ 2, మేఘన సింగ్, గైక్వాడ్, దీప్తి శర్మ తలో వికెట్ తీశారు. మొత్తంగా నిర్ణీత 50 ఓవర్లలో ఐదు వికెట్ల నష్టానికి 191 పరుగులు చేశారు. కాగా, ఐదో వన్డే ఫిబ్రవరి 24న జరగనుంది.
ఇదీ చూడండి: ఐపీఎల్ మెగావేలంపై సీఎస్కే ప్లేయర్ సంచలన వ్యాఖ్యలు!
