ఇంగ్లాండ్తో జరుగుతున్న మూడో టెస్టు మూడో రోజు ఆట ముగిసేసరికి టీమ్ఇండియా 139 పరుగుల వెనుకంజలో ఉంది. ఇంగ్లాండ్ నిర్దేశించిన భారీ లక్ష్యాన్ని ఛేదించే దిశగా జాగ్రత్తగా ఆడుతోంది. రెండో ఇన్నింగ్స్లో ఇప్పటివరకు రెండు వికెట్లు కోల్పోయి 215 పరుగులు చేసింది. క్రీజులో పుజారా(91*), కోహ్లీ(45* ) ఉన్నారు. రోహిత్ శర్మ (59, 156 బంతుల్లో) అద్భుత ఇన్నింగ్స్ ఆడాడు
ఓవర్‌నైట్‌ స్కోరు 423/8తో మూడో రోజు ఆట ఆరంభించిన రూట్ సేన మరీ ఎక్కువ పరుగులేమీ చేయలేదు. మరో తొమ్మిది పరుగులు చేసి ఆలౌట్ అయింది. ఇక తొలి ఇన్నింగ్స్లో 78 పరుగులకే చాపచుట్టేసిన టీమ్ఇండియా రెండో ఇన్నింగ్స్లో కసితో ఆడుతోంది.
తొలి ఇన్నింగ్స్లో ఇంగ్లాండ్ 432 పరుగులు చేయగా.. టీమ్ఇండియా 78 పరుగులకే ఆలౌటైంది. దీంతో ఆతిథ్య జట్టుకు 354 పరుగుల ఆధిక్యం లభించింది.
