టీమ్ఇండియా మరో ఘనత సాధించింది. ఆస్ట్రేలియా జట్టును వెనక్కి నెట్టి టెస్టుల్లో నంబర్ వన్గా నిలిచింది. ఈ మేరకు ఐసీసీ వార్షిక ర్యాంకింగ్స్ అప్‌డేట్ చేసి మంగళవారం విడుదల చేసింది. ఇండియా, ఆస్ట్రేలియా మధ్య వరల్డ్ టెస్ట్ ఛాంపియన్షిప్ (డబ్ల్యూటీసీ) ఫైనల్ జరగనున్న నేపథ్యంలో.. టీమ్ఇండియా ప్రథమ స్థానంలో నిలవడం వల్ల అభిమానులు ఆనందం వ్యక్తం చేస్తున్నారు. ఇకపోతే ఆస్ట్రేలియా-టీమ్ఇండియా జట్లు జూన్ 7 నుంచి యూకే కెన్నింగ్టన్లోని ఓవల్ స్టేడియం వేదికగా జరగనున్న డబ్ల్యూటీసీ ఫైనల్లో తలపడనున్నాయి. కాగా, వన్డే ర్యాంకింగ్స్ను.. ప్రస్తుతం జరుగుతున్న పాకిస్థాన్, న్యూజిలాండ్ సిరీస్ అయిపోయాక మే 10న ఐసీసీ ప్రకటించనుంది.
ఇటీవల ముగిసిన బోర్డర్-గావస్కర్ ట్రోఫీలో 2-1 తేడాతో ఆస్ట్రేలియాను ఓడించింది టీమ్ఇండియా. దీంతో ఇన్నాళ్లూ 122 పాయింట్లతో అగ్రస్థానంలో కొనసాగిన ఆస్ట్రేలియాను వెనక్కి నెట్టి 121 రేటింగ్ పాయింట్లతో మొదటి స్థానానికి ఎగబాకింది. అయితే, ఇటీవల పాకిస్థాన్తో జరిగిన సిరీస్లో ఆస్ట్రేలియా గెలిచినా.. ఆసీస్ రేటింగ్ 116కు దిగజారి ప్రస్తుతం రెండో ప్లేస్లో కొనసాగుతోంది. ఇక మూడో స్థానంలో ఇంగ్లాండ్,నాలుగు, ఐదు స్థానాల్లో సౌతాఫ్రికా, న్యూజిలాండ్ ఉన్నాయి. కాగా, టాప్ రెండు స్థానాల్లో తప్ప మిగతా ర్యాంకుల్లో ఎలాంటి మార్పుల్లేవు.
యాషెస్ సిరీస్ 2021-22లో ఇంగ్లండ్ను 4-0తో చిత్తు చేసిన ఆస్ట్రేలియా.. టీమ్ఇండియాను వెనక్కి నెట్టి టాప్ ప్లేస్ దక్కించుకుంది. అదే సమయంలో దక్షిణాఫ్రికా గడ్డపై సిరీస్ కోల్పోయిన భారత జట్టు.. మొదటి స్థానాన్ని కోల్పోయింది. మొత్తానికి 15 నెలల తర్వాత టీమ్ఇండియా మరోసారి తన స్థానాన్ని ఆసీస్ నుంచి వెనక్కి తీసుకుంది.
ఇప్పటివరకు, 15 నెలలుగా టెస్టుల్లో కంగారూ జట్టు అగ్ర స్థానంలో కొనసాగింది. "వార్షిక టెస్టు ర్యాంకింగ్స్లో భాగంగా మే 2020 నుంచి జరిగిన సిరీస్ లను పరిగణనలోకి తీసుకుంటాం. మే 2022కు ముందు జరిగిన సిరీస్లకు 50 % వెయిటేజీ, ఆ తర్వాత జరిగిన సిరీస్లకు 100 % వెయిటేజీ ఉంటుంది" అని ఐసీసీ మంగళవారం ఓ ప్రకటనలో పేర్కొంది.
ర్యాంకింగ్స్లో టాప్ రెండు జట్ల మధ్య జూన్ 7న జరగబోయే వరల్డ్ టెస్ట్ కోసం అభిమానులను ఆసక్తిగా ఎదురుచూస్తున్నారు. ఈ మెగా టోర్నీకి బీసీసీఐ భారత జట్టును ఇటీవలే ప్రకటించింది. రోహిత్‌ శర్మ కెప్టెన్సీలో 15 మందితో కూడిన జట్టును బీసీసీఐ సెలక్షన్‌ కమిటీ ఎంపిక చేసింది. అయితే, ఇందులో మిస్టర్‌ 360గా పేరుగాంచిన సూర్యకుమార్‌ యాదవ్‌ను జట్టులోకి తీసుకోలేదు. మరోవైపు, ఈ ఐపీఎల్‌ సీజన్లో చెన్నై తరఫున అదరగొడుతున్న రహానేను జట్టులోకి తీసుకుంది. తెలుగు కుర్రాడు కేఎస్‌ భరత్‌ను వికెట్‌ కీపర్‌గా జట్టులోకి తీసుకుంది.
