కొద్ది రోజుల క్రితం గాయపడిన ఆస్ట్రేలియా స్టార్ ఆల్రౌండర్ గ్లెన్ మ్యాక్స్వెల్ తన ప్రస్తుత పరిస్థితిపై స్పందించాడు. వచ్చే ఏడాది ఫిభ్రవరి మార్చిలో రాబోయే భారత పర్యటనకు దూరమయ్యే అవకాశాలు ఎక్కువగానే ఉన్నాయని చెప్పాడు. ఒకవేళ తనను ఎంపిక చేస్తే అది పెద్ద రిస్క్ అవుతుందని పేర్కొన్నాడు.
"జట్టును ప్రకటించే సమయానికి నేను పూర్తిగా కోలుకోలేకపోవచ్చు. నేను పర్యటనకు దూరమయ్యే అవకాశాలు ఎక్కువగా ఉన్నాయి. ఒకవేళ నన్ను తీసుకుంటే బోర్డు పెద్ద రిస్క్ చేసినట్లే. వారు నన్ను తీసుకుంటే పెద్ద రిస్క్ తీసుకోవలసి ఉంటుంది" అని మ్యాక్స్వెల్ పేర్కొన్నాడు.
ఇక తాను ఎలా గయపడ్డాడో వివరించాడు మ్యాక్స్వెల్. "ఒక సారి మా స్నేహితుడి పుట్టిన రోజు వేడుకకు వెళ్లాం. పార్టీ అంతా అయిపోయిన తర్వాత మిత్రులందరు కలిసి సరదాగా కబుర్లు చెప్పుకున్నాం. అందరం నవ్వుకుంటున్నాం. ఈ క్రమంలోనే ఆట పట్టిస్తూ మా స్నేహితుడి వెనక పరిగెత్తాను. అక్కడ తడిగా ఉండడం వల్ల అందరం ఒకే సారి జారి పడిపోయాం. దురదృష్టవశాత్తు ఫ్రెండ్.. నా కాలు మీద పడిపోయాడు. నా పాదం కొంచెం ఇరుక్కుపోయింది. అప్పుడు చాలా నొప్పి పుట్టింది. గట్టిగా అరిచాను. దానికి మా ఫ్రెండ్స్ జోక్ చేస్తున్నావా? లేదా సీరియస్గానేనా అని అడిగారు. నేను 50 నిమిషాలు నేలపైనే పడుకున్నాను. ఆ నొప్పి చాలా భాదాకరం. మొదట రెండు రోజుల పాటు నాకు నిద్ర పట్టలేదు. ఆ రెండు రోజులు చాలా నరకం చూశాను. వచ్చే ఏడాది ఆస్ట్రేలియా జట్టు భారత్‌లో పర్యటించే సమయానికి నేను కోలుకునే అవకాశాలు ఎక్కువగా లేవు. ఎందుకంటే నేను పూర్తిగా రికవకీ అవ్వలేను. జట్టులో నన్ను ఎంపిక చేయడం రిస్క్తో కూడుకున్న పని" అని మాక్స్వెల్ వివరించాడు.
ఇదీ చదవండి: Ali Raza: గోల్కీపర్గా సఫాయి కార్మికుడు.. రక్తం కారుతున్నా డోంట్ కేర్..
దేశవాళీ లిస్ట్ ఏ క్రికెట్ వీళ్లు బ్యాట్ పడితే పరుగులే పరుగులు
