Ganguly on Sachin: దిగ్గజ క్రికెటర్, మాస్టర్ బ్లాస్టర్ సచిన్ తెందూల్కర్ టీమ్ఇండియా జట్టులోకి తనదైన శైలిలో ఎంట్రీ ఇవ్వనున్నట్లు తెలుస్తోంది. మరోసారి సచిన్ జట్టు కోసం సేవలందించేందుకు సిద్ధమవుతున్నట్లు క్రికెట్ వర్గాలు చెబుతున్నాయి. భారత జట్టు మాజీ సారథి, బీసీసీఐ అధ్యక్షుడు సౌరవ్ గంగూలీ కూడా దీనిపై హింట్ ఇవ్వడం గమనార్హం.
కొద్ది రోజుల క్రితమే టీమ్ఇండియా హెడ్ కోచ్ బాధ్యతలను రాహుల్ ద్రవిడ్కు అప్పగించింది బీసీసీఐ. అనంతరం దిగ్గజ బ్యాటర్ వీవీఎస్ లక్ష్మణ్కు నేషనల్ క్రికెట్ అకాడమీ(ఎన్సీఏ) బాధ్యతలు ఇచ్చింది. ఈ నేపథ్యంలో సచిన్ కూడా బ్యాక్రూమ్ స్టాఫ్లో చేరనున్నాడన్న వార్తలు విస్తృతంగా ప్రచారమవుతున్నాయి.
గంగూలీ హింట్..
ఇటీవలే 'బ్యాక్ స్టేజ్ విత్ బోరియా' కార్యక్రమానికి హాజరైన గంగూలీ.. జట్టులో సచిన్ ఎంట్రీ గురించి మాట్లాడాడు. 'సచిన్ అందరికన్నా భిన్నంగా ఉంటాడు. ప్రస్తుతం టీమ్కు సేవలందించే విషయంపై అతడికి ఆసక్తి లేదు. కానీ, ఏదో ఒక రోజు సచిన్ కూడా జట్టుకు సేవలందించాల్సి వస్తుంది. ఉత్తమ నైపుణ్యం గలవారు జట్టులో ఉండటం ఎంతో అవసరం.' అని గంగూలీ చెప్పుకొచ్చాడు.
Ganguly vs Kohli:
టీమ్ఇండియా దక్షిణాఫ్రికా పర్యటన నేపథ్యంలో టెస్టు జట్టు సారథి విరాట్ కోహ్లీ చేసిన వ్యాఖ్యలు భారత క్రికెట్లో దుమారం రేపాయి. టీ20 జట్టు సారథిగా తప్పుకోవద్దన్నా విరాట్ వినలేదని గతంలో గంగూలీ చేసిన వ్యాఖ్యలకు వ్యతిరేకంగా కోహ్లీ మాట్లాడాడు. ఈ నేపథ్యంలో వన్డే కెప్టెన్సీ అంశంపై మరోసారి చర్చ మొదలైంది.
కాగా, టీమ్ఇండియా జట్టు మూడు మ్యాచ్ల టెస్టు సిరీస్ కోసం దక్షిణాఫ్రికా చేరుకుంది. తొలి టెస్టు డిసెంబర్ 26న ప్రారంభం కానుంది. ఈ సిరీస్ అనంతరం సౌతాఫ్రికాతో వన్డే సిరీస్ ఆడనుంది భారత్.
ఇదీ చదవండి:
Ganguly VS Kohli: కోహ్లీ వివాదంపై గంగూలీ ఏమన్నాడంటే?
