ఇంగ్లాండ్ మాజీ పేస్ బౌలర్ మైక్ హెండ్రిక్(73) కన్నుమూశారు. ఈ విషయాన్ని డెర్బిషైర్ కౌంటీ క్రికెట్ క్లబ్ ట్వీట్ చేసింది. ఆయన మరణం పట్ల సంతాపం ప్రకటించింది. టెస్టు కెరీర్లో ఐదు వికెట్ల ప్రదర్శన లేకుండానే 87 వికెట్లు తీసిన ప్రపంచ రికార్డు ఆయన పేరిట ఉంది. అందులో 1974-1979 మధ్య కాలంలో భారత్తో సిరీస్ల్లో 26 వికెట్లు తీయడం విశేషం.
హెండ్రిక్.. కెరీర్లో 30టెస్టులు(87 వికెట్లు), 22 వన్డేలు(35), 267 ఫస్ట్ క్లాస్ మ్యాచ్లు(770) ఆడాడు. ఐర్లాండ్కు తొలి ఫ్రొఫెషనల్ కోచ్గా వ్యవహరించాడు. డెర్బిషైర్ కౌంటీ క్రికెట్ క్లబ్ తరఫున ప్రాతినిధ్యం వహించారు.
1977, 1978-79 మధ్య జరిగిన యాషెస్ సిరీస్ గెలుపులోనూ భాగస్వామ్యం అయ్యాడు హెండ్రిక్. 1974లో భారత్తో జరిగిన సిరీస్లో ఇంగ్లాండ్ గెలవడంలో కీలకంగా వ్యవహరించాడు. మూడో టెస్టులో 28 పరుగులు మాత్రమే ఇచ్చి నాలుగు వికెట్లు తీశాడు. ఇది ఆయన కెరీర్లోనే బెస్ట్ స్పెల్ కావడం విశేషం.
ఇదీ చూడండి: KL Rahul: నా వంతు వచ్చే వరకు ఓపిగ్గా ఎదురుచూశా!
