'ప్రేక్షకుల మధ్య ఆడటం గొప్ప అనుభూతి'

ప్రేక్షకుల మధ్య రెండో టెస్టు జరుగనుండడం గొప్ప విషయమని ఇంగ్లాండ్ పేసర్​ అండర్సన్ పేర్కొన్నాడు. ఈ మ్యాచ్​ కోసం ఎదురుచూస్తున్నట్లు తెలిపాడు.

చెన్నై వేదికగా ఫిబ్రవరి 13 నుంచి జరగనున్న రెండో టెస్టుకు ప్రేక్షకులను అనుమతించడంపై హర్షం వ్యక్తం చేశాడు ఇంగ్లాండ్​ పేసర్​ జేమ్స్​ అండర్సన్. కరోనా నేపథ్యంలో తొలి టెస్టుకు ప్రేక్షకులను అనుమతించలేదు.

అయితే రెండో టెస్టుకు మాత్రం 50 శాతం వీక్షకులను అనుమతిస్తూ బీసీసీఐ నిర్ణయించిందని తమిళనాడు క్రికెట్​ అసోసియేషన్ వెల్లడించింది.

'హోటల్​లో కఠిన ఆంక్షలు ఉన్నాయి. అన్ని జాగ్రత్తలు తీసుకుని వీక్షకులను అనుమతిస్తారని భావిస్తున్నాను. ప్రేక్షకుల ముందు క్రికెట్ ఆడటం గొప్పగా ఉంటుంది. రెండో టెస్టు కోసం ఎదురుచూస్తున్నాం' అని జిమ్మీ తెలిపాడు.

కాగా, మొదటి టెస్టులో అద్భుతంగా రాణించి ఇంగ్లాండ్​ విజయంలో కీలక పాత్ర పోషించిన అండర్సన్​.. ఇది సమష్టి విజయమన్నాడు. ప్రతి మ్యాచ్​కు తనను తాను మెరుగుపర్చుకుంటానని పేర్కొన్నాడు.

ఇదీ చదవండి: 'టెస్టుల్లో ఇలాంటి బంతిని ఏ జట్టూ కోరుకోదు'