ఇంగ్లాండ్పై మూడో టెస్ట్లో ఘోర వైఫల్యం అనంతరం నాలుగో టెస్ట్పై దృష్టిపెట్టింది టీమ్ఇండియా. ఇందులో భాగంగా ఓవల్లో జరగనున్న నాలుగో టెస్ట్లో జట్టులో మార్పులు జరిగే అవకాశాలు కనిపిస్తున్నాయి. ముఖ్యంగా సీనియర్ పేసర్ ఇషాంత్ శర్మను పక్కనపెట్టే అవకాశం ఉంది. అతడి స్థానంలో ఉమేశ్ యాదవ్ లేదా శార్దుల్ ఠాకూర్ జట్టులోకి వచ్చే సూచనలు కనిపిస్తున్నాయి.
నిలకడ లేమి..
గత రెండు టెస్టుల్లో ఇషాంత్ శర్మ పేలవ ప్రదర్శనే దీనికి కారణమని జట్టు వర్గాలు తెలిపాయి. ఇప్పటికే గాయాలతో బాధపడుతున్న ఇషాంత్ మూడో టెస్ట్కు పూర్తిగా ఫిట్గా ఉన్నాడా అనే సందేహాలు సైతం వచ్చిన నేపథ్యంలో.. తదుపరి టెస్టుకు అతన్ని పక్కనపెట్టడమే ఉత్తమమని భావిస్తున్నారట. గత మూడు టెస్టుల్లో అత్యధిక పరుగులు సమర్పించడమే గాక.. వికెట్లు తీయడంలో ఇషాంత్ విఫలమయ్యాడు. ఈ నేపథ్యంలో మూడో టెస్ట్ అనంతరం మీడియాతో మాట్లాడిన కోహ్లీ.. ఇషాంత్ ఫాంపై స్పందించేందుకు నిరాకరిస్తూనే.. పేసర్ల రొటేషన్పై ఆలోచిస్తామని చెప్పాడు.
జట్టులో చోటు కోసం ఎదురుచూస్తున్న అశ్విన్కు ఈ మ్యాచ్లో చోటు కల్పించే అవకాశాన్ని కోహ్లీ పక్కనపెట్టలేడు. ఎందుకంటే.. ఇదే పిచ్పై కౌంటీ ఆడిన అశ్విన్.. సర్రే తరఫున మంచి ప్రదర్శన చేశాడు.
భారత్-ఇంగ్లాండ్ మధ్య సెప్టెంబర్ 2న ఓవల్ వేదికగా నాలుగో టెస్ట్ జరగనుంది. ప్రస్తుతం సిరీస్ 1-1తో సమంగా ఉంది.
ఇవీ చదవండి:
