ఇంగ్లాండ్-భారత్ మధ్య జరగనున్న మూడో టెస్టులో ఇంగ్లాండ్ జట్టు పేసర్ మార్క్ వుడ్ ఆడటంపై సందేహాలు వ్యక్తం అవుతున్నాయి. రెండో టెస్టు చివరి రోజున అతని కుడి భూజానికి గాయం కావడమే ఇందుకు కారణం. ఆ మ్యాచ్లో గాయమైనా సరే వుడ్ బౌలింగ్ వేశాడు.
'ప్రస్తుతం వుడ్ను వైద్యులు పర్యవేక్షిస్తున్నారు. మరో రెండు రోజులు గమనించిన తర్వాత అతడు మూడో టెస్టులో ఆడటంపై తుది నిర్ణయం తీసుకుంటాం'
-సిల్వర్ వుడ్, ఇంగ్లాండ్ జట్టు కోచ్
మూడో టెస్టుకు ఆటగాళ్లను ఇంగ్లాండ్ ఇంకా ప్రకటించాల్సి ఉంది. తొలి రెండు టెస్టులకు దూరంగా ఉన్న స్టువర్ట్ బ్రాడ్ మూడో టెస్టులో ఆడే అవకాశం ఉన్నట్లు సమాచారం. లీడ్స్లో ఆగస్టు 25 నుంచి ఈ మ్యాచ్ ప్రారంభం అవుతుంది. తొలి టెస్టు వర్షం వల్ల డ్రా కాగా, లార్డ్స్లో జరిగిన రెండో టెస్టులో టీమ్ఇండియా అద్భుత విజయం సాధించింది. ప్రస్తుతం 1-0తో సిరీస్లో ఆధిక్యంలో ఉంది.
ఇదీ చదవండి : ఇంగ్లాండ్ టెస్టు జట్టులా లేదు: గావస్కర్
