మహేంద్ర సింగ్ ధోనీ(40).. కెప్టెన్గా, వికెట్ కీపర్గా, బ్యాట్స్మన్గా టీమ్ఇండియా క్రికెట్ చరిత్రలో తనదైన ముద్ర వేసిన ఆటగాడు. పరిమిత ఓవర్ల క్రికెట్తో పాటు సుదీర్ఘ ఫార్మాట్కు గతేడాది రిటైర్మెంట్ ప్రకటించి.. ప్రస్తుతం ఐపీఎల్లో మాత్రమే కొనసాగుతున్నాడు. తన నాయకత్వ పటిమతో జట్టుకు ఎన్నో మరుపురాని విజయాలు అందించిన మహీ.. తనదైన వ్యూహాలతో ప్రత్యర్థిని బోల్తా కొట్టించేవాడు. ఇంకా కొంతకాలం క్రికెట్లో కొనసాగే అవకాశం ఉన్నప్పటికీ.. అనూహ్యంగా వీడ్కోలు చెప్పేశాడు. ఈ నేపథ్యంలో ధోనీ కంటే ముందు క్రికెట్లోకి వచ్చి నేటికీ రిటైర్మెంట్ ప్రకటించని కొంతమంది ఆటగాళ్లు ఎవరో చూద్దాం.
దినేష్ కార్తీక్..
టీమ్ఇండియా సీనియర్ ఆటగాడు దినేష్ కార్తీక్(36).. ధోనీ కంటే ముందే అంతర్జాతీయ క్రికెట్లోకి వచ్చాడు. ఇద్దరూ బ్యాటింగ్లో చెప్పుకోదగ్గ ప్రదర్శన చేశారు. కానీ, మహీ వచ్చిన తర్వాత కీపింగ్లో తనదైన మార్క్ చూపించాడు. దీంతో కార్తీక్ కంటే ఎక్కువగా ధోనీ విజయవంతమయ్యాడు.
2004 సెప్టెంబర్ 5న లార్డ్స్ వేదికగా ఇంగ్లాండ్తో జరిగిన తొలి వన్డేలో కార్తీక్ టీమ్ఇండియా తరఫున అరంగేట్రం చేశాడు. 26 టెస్టులతో పాటు 94 వన్డేలు, 32 టీ20లు ఆడాడు. కానీ, ఇప్పటికీ తన క్రికెట్ కెరీర్కు వీడ్కోలు చెప్పలేదు దినేష్. ప్రస్తుతం తమిళనాడు తరఫున రంజీల్లో ఆడుతున్నాడు. అలాగే ఇటీవల జరిగిన డబ్ల్యూటీసీ ఫైనల్తో కామెంటేటర్ అవతారమెత్తి విజయవంతమయ్యాడు. కానీ త్వరలో జరగబోయే టీ20 ప్రపంచకప్లో టీమ్ఇండియాకు ఆడాలని ఉందని చాలాసార్లు చెప్పాడు.
కమ్రాన్ అక్మల్..
పాకిస్థాన్ సీనియర్ వికెట్ కీపర్, బ్యాట్స్మన్ కమ్రాన్ అక్మల్(39) ఇప్పటికీ రిటైర్మెంట్ ప్రకటించలేదు. 2002లో సుదీర్ఘ ఫార్మాట్తో పాటు వన్డేల్లో అరంగేట్రం చేశాడీ పాక్ క్రికెటర్. 19 ఏళ్ల తన క్రికెట్ జీవితంలో 53 టెస్టులతో పాటు 157 వన్డేలు, 58 టీ20ల్లో జాతీయ జట్టుకు ప్రాతినిధ్యం వహించాడు.
2017 నుంచి అంతర్జాతీయ క్రికెట్కు దూరంగా ఉన్న అక్మల్.. ఆటకు వీడ్కోలు మాత్రం చెప్పలేదు. కానీ, పాకిస్థాన్ సూపర్ లీగ్లో చెప్పుకోదగ్గ ప్రదర్శన చేస్తున్నాడు. జాతీయ జట్టు నుంచి పిలుపు వస్తుందేమోనని ఆశగా ఎదురుచూస్తున్నాడు.
ఇదీ చదవండి: ICC: 'ప్లేయర్ ఆఫ్ ది మంత్' విజేతలు వీరే
మహ్మద్ హఫీజ్..
అక్మల్ సహచరుడు హఫీజ్(40).. ఈ ఏడాదితో 41వ వసంతంలోకి అడుగుపెట్టనున్నాడు. టీ20ల్లో తనదైన మార్క్ చూపించిన ఈ మాజీ కెప్టెన్.. తిరిగి జాతీయ జట్టుకు ఆడాలనే ఆశతో ఉన్నాడు.
2003లో తన మొదటి అంతర్జాతీయ మ్యాచ్ ఆడిన హఫీజ్.. 2020 సీజన్లో పొట్టి క్రికెట్లో అత్యధిక పరుగులు చేసిన బ్యాట్స్మన్గా నిలిచాడు. రానున్న టీ20 ప్రపంచకప్లో పాకిస్థాన్ జట్టులో చోటు దక్కుతుందేమోనని ఎదురుచూస్తున్నాడు.
షోయబ్ మాలిక్..
పాకిస్థాన్ వెటరన్ ఆల్రౌండర్ షోయబ్ మాలిక్(39).. 2007 టీ20 ప్రపంచకప్ సమయంలో ఆ దేశ కెప్టెన్గా వ్యవహరించాడు. జట్టులోకి వచ్చే అవకాశం లేనప్పటికీ.. ఆటకు మాత్రం గుడ్బై చెప్పలేదు.
జేమ్స్ అండర్సన్..
ఇంగ్లాండ్ తరఫున ఫస్ట్ క్లాస్ క్రికెట్లో 1000 వికెట్లు తీసిన బౌలర్గా జేమ్స్ అండర్సన్(38) సరికొత్త రికార్డు సృష్టించాడు. ధోనీ లాగే అండర్సన్ కూడా ఫిట్నెస్కు ఎక్కువ ప్రాధాన్యం ఇస్తాడు. అందుకే ఇంకా క్రికెట్లో కొనసాగుతున్నాడు.
2002లో తన తొలి వన్డే మ్యాచ్ ఆడిన అండర్సన్.. ప్రస్తుతం కేవలం సుదీర్ఘ ఫార్మాట్లో మాత్రమే ఆడుతున్నాడు. టీమ్ఇండియాతో వచ్చే నెల నుంచి జరగనున్న టెస్టు సిరీస్లో ఈ సీనియర్ బౌలర్కు చోటు కచ్చితంగా ఉంటుంది.
డ్వేన్ బ్రావో..
ధోనీ ఐపీఎల్ సహచరుడు, విండీస్ ఆల్రౌండర్ డ్వేన్ బ్రావో(37).. ఇప్పటికీ క్రికెట్లో విజయవంతంగా కొనసాగుతున్నాడు. ముఖ్యంగా పొట్టి ఫార్మాట్లో బ్రావో సృష్టించే విధ్వంసం అంతా ఇంతా కాదు. ధోనీ కంటే కొన్ని నెలల ముందు క్రికెట్లోకి అడుగుపెట్టిన ఈ విండీస్ వీరుడు.. టెస్టులతో పాటు వన్డేలకు గుడ్బై చెప్పాడు. టీ20ల్లో ఆడుతున్నాడు.
ఇదీ చదవండి: IND vs PAK: 'ఒత్తిడిని ఎదుర్కోవాలంటే భారత్‌తో ఆడాలి'
క్రిస్ గేల్..
యూనివర్సల్ బాస్ క్రిస్ గేల్(41) 1999లో వన్డేల్లో అరంగేట్రం చేశాడు. 41 ఏళ్ల వయసులోనూ బ్యాట్స్మన్గా రాణిస్తున్నాడు. రానున్న టీ20 ప్రపంచకప్లోనూ సత్తా చాటాలని ఉవ్విళ్లూరుతున్నాడు.
హర్భజన్ సింగ్..
ధోనీ సహచరుడు భజ్జీ(41).. 1998లో అంతర్జాతీయ క్రికెట్లోకి ఎంట్రీ ఇచ్చాడు. 2016 వరకు టీమ్ఇండియా స్పిన్ విభాగానికి పెద్ద దిక్కుగా ఉన్న హర్భజన్.. ప్రస్తుతం ఐపీఎల్లో మాత్రమే కొనసాగుతున్నాడు. ఇప్పటికీ జాతీయ జట్టులో చోటు లభిస్తుందేమోనని ఆశగా ఎదురుచూస్తున్నాడు.
ఐపీఎల్ 14వ సీజన్ మినీ వేలంలో తొలి విడతలో భజ్జీని కొనుగోలు చేయడానికి ఏ ఫ్రాంఛైజీ ఆసక్తి చూపలేదు. రెండో విడతలో కోల్కతా నైట్ రైడర్స్ ఇతడిని జట్టులోకి తీసుకుంది.
అమిత్ మిశ్రా..
ఐపీఎల్లో అత్యంత విజయవంతమైన భారత బౌలర్ ఎవరంటే అమిత్ మిశ్రా(38) అనే చెప్పాలి. 2003లో దక్షిణాఫ్రికాపై తన తొలి మ్యాచ్ ఆడిన ఈ స్పిన్నర్.. ప్రస్తుతం ఐపీఎల్లో దిల్లీ క్యాపిటల్స్కు ఆడుతున్నాడు. భజ్జీ లాగే మిశ్రా కూడా జాతీయ జట్టులో చోటు కోసం తీవ్రంగా శ్రమిస్తున్నాడు.
ఫిడెల్ ఎడ్వర్డ్స్..
కరీబియన్ పేసర్ ఫిడెల్ ఎడ్వర్డ్స్(39).. 2003లో క్రికెట్లోకి వచ్చాడు. విండీస్ తరఫున 55 టెస్టులతో పాటు 50 వన్డేలు, 24 టీ20లు ఆడాడు. రానున్న టీ20 ప్రపంచకప్లో ఈ బౌలర్కు తుది జట్టులో చోటు దక్కే అవకాశం ఉంది.
ఇదీ చదవండి: కోహ్లీ తనయ వామిక ఫొటోలు వైరల్.. మీరూ చూసేయండి
