వెస్టిండీస్​ పోరుతో అదృష్టాన్ని పరీక్షించుకోనున్న శ్రీలంక

ప్రపంచకప్​లో భాగంగా నేటి మ్యాచ్ వెస్టిండీస్ - శ్రీలంక మధ్య జరగనుంది. చెస్టర్​ లీ స్ట్రీట్ వేదికగా జరిగే ఈ మ్యాచ్ మధ్యాహ్నం 3 గంటలకు ప్రారంభం కానుంది. ఇందులో నెగ్గి పరువుకాపాడుకోవాలని విండీస్ యోచిస్తోంది. కరీబియన్లపై గెలిచి సెమీస్​ చేరేందుకు తన అదృష్టాన్ని పరీక్షించుకోనుంది శ్రీలంక.

ఈ ప్రపంచకప్​లో ఒకే ఒక్క విజయం నమోదు చేసిన వెస్టిండీస్ ఇప్పటికే సెమీస్​ నుంచి నిష్క్రమించింది. అలాగే టీమిండియాపై ఇంగ్లాండ్ విజయం సాధించడంతో శ్రీలంకకు సెమీస్ ఆశలు మరింత సంక్లిష్టం అయింది. ఈ రెండింటి మధ్య చెస్టర్​ లీ స్ట్రీట్​ వేదికగా నేడు మ్యాచ్​ జరగనుంది. మధ్యాహ్నం 3 గంటలకు మ్యాచ్​ ప్రారంభం కానుంది.

లంక నిలవాలంటే గెలవాల్సిందే...

అఫ్గాన్, ఇంగ్లాండ్​ మినహా మిగతా జట్లపై పరాజయం చెందిన శ్రీలంక సెమీస్ చేరడం ఎంతో కష్టం. ఏడు మ్యాచ్​లు ఆడిన లంక జట్టు... మిగిలిన రెండింటిలో భారీ విజయం సాధించాలి. ఇంగ్లాండ్, పాకిస్థాన్, బంగ్లాదేశ్ తాము ఆడాల్సిన మ్యాచుల్లో భారీ తేడాతో పరాజయం చెందితే తప్ప శ్రీలంకకు అవకాశం ఉండదు. గత మ్యాచ్​లో సౌతాఫ్రికాతో గెలిచినట్లయితే లంకేయులకు సెమీస్ అవకాశం ఇంత కష్టంగా ఉండేది కాదు. కానీ అందులో ఓడిపోయింది.

ఈ ప్రపంచకప్​లో లంక అంతగా రాణించలేదు. రెండు మ్యాచ్​లు వర్షం కారణంగా రద్దవడం ఆ జట్టుకు కలిసొచ్చింది. బ్యాటింగ్​లో కరుణరత్నే, కుశాల్ పెరీరా, అవిష్కా ఫెర్నాండో, మ్యాథ్యూస్ మినహా ఈ టోర్నీలో మిగతా వారు ఆకట్టుకోలేకపోయారు. బౌలింగ్​లో ఓ మోస్తరుగా రాణించింది. అది కూడా మలింగ లాంటి స్టార్ పేసర్​ ఉండటమే. ఇంగ్లాండ్​తో జరిగిన మ్యాచ్​లో 4 వికెట్లు తీసి మ్యాన్ ఆఫ్ ద మ్యాచ్​ అవార్డు దక్కించుకున్నాడు. ప్రస్తుతం విండీస్​పై సత్తాచాటి సెమీస్​ చేరేందుకు తన అదృష్టాన్ని పరీక్షించుకోవాలనుకుంటోంది లంక.

• It's been a tough tournament but the #MenInMaroon still need our support!💪🏽 Set your ⏰ & #Rally once more!🙌🏾 #WIvSL #CWC19 .
  📺: @espncaribbean
  📲: https://t.co/6TUKc2hD7J pic.twitter.com/PxftwOADDr

  — Windies Cricket (@windiescricket) June 29, 2019 " class="align-text-top noRightClick twitterSection" data="

  It's been a tough tournament but the #MenInMaroon still need our support!💪🏽 Set your ⏰ & #Rally once more!🙌🏾 #WIvSL #CWC19 .
  📺: @espncaribbean
  📲: https://t.co/6TUKc2hD7J pic.twitter.com/PxftwOADDr

  — Windies Cricket (@windiescricket) June 29, 2019

  ">

  It's been a tough tournament but the #MenInMaroon still need our support!💪🏽 Set your ⏰ & #Rally once more!🙌🏾 #WIvSL #CWC19 .
  📺: @espncaribbean
  📲: https://t.co/6TUKc2hD7J pic.twitter.com/PxftwOADDr

  — Windies Cricket (@windiescricket) June 29, 2019

  
  

పరువు కోసం విండీస్ ఆరాటం..

"పేరు గొప్ప.. ఊరు దిబ్బ" అన్నట్టుగా ఉంది వెస్టిండీస్ పరిస్థితి. పేరుకు క్రిస్ గేల్, షాయ్ హోప్, బ్రాత్ వైట్, హెట్​మెయిర్​ లాంటి విధ్వంసకర బ్యాట్స్​మెన్ ఉన్నప్పటికీ పెద్దగా ఆకట్టుకోలేకపోయింది. పాకిస్థాన్​పై గెలిచింది. కానీ మిగతా మ్యాచ్​లన్నింటిలోనూ పరాజయం చెందింది. ఆ మ్యాచ్​లోనూ బౌలర్ల విజృంభణతో గెలుపు సొంతం చేసుకోగలిగింది. గత మ్యాచ్​లో భారత్​ నిర్దేశించిన 269 పరుగుల లక్ష్యాన్ని ఛేధించలేక 143 పరుగులతే చతికిలపడింది.

సమష్టిగా రాణిచడంలో విఫలమవడం, నిలకడగా ఆడే బ్యాట్స్​మెన్ లేకపోవడం లాంటి కారణాలతో సెమీస్ నుంచి నిష్క్రమించింది కరీబియన్. గాయం కారణంగా రసెల్ టోర్నీ మధ్యలోనే తప్పుకోవడం విండీస్​కు ఎదురుదెబ్బ తగిలినట్టైంది. ఈ ప్రతికూలాలను అధిగమించి శ్రీలంకపై గెలిచి పరువు కాపాడాలనుకుంటోంది విండీస్ జట్టు.

ప్రపంచకప్​ టోర్నీల్లో ఇరు జట్లు ఆరు సార్లు తలపడ్డాయి. నాలుగు మ్యాచుల్లో వెస్టిండీస్ గెలవగా... రెండింటిలో మాత్రమే శ్రీలంక నెగ్గింది.

ఇది చదవండి: చాహల్ ఖాతాలో చెత్త రికార్డు..