వాళ్లు వెళ్లిపోతే రిటైర్మెంట్ వెనక్కు తీసుకుంటా:ఆమిర్

అంతర్జాతీయ క్రికెట్​లోకి పునరాగమనానికి పాక్ మాజీ పేసర్ ఆమిర్ సంసిద్ధత వ్యక్తం చేశాడు. ప్రస్తుత కోచ్​ బృందం వైదొలగితేనే ఈ నిర్ణయం తీసుకుంటానని అన్నాడు. తమ దేశ​ డ్రెస్సింగ్​ రూమ్​లో తక్షణమే మార్పులు చేయాల్సిన అవసరం ఉందని అన్నాడు.

పాకిస్థాన్​ తరఫున తిరిగి ఆడేందుకు సిద్ధంగా ఉన్నానని ఆ దేశ మాజీ పేసర్ మహ్మద్ ఆమిర్ స్పష్టం చేశాడు. ప్రధాన కోచ్​ మిస్బావుల్ హక్, ఆయన సిబ్బంది తమ పదవుల నుంచి వైదొలిగిన తర్వాతే తిరిగి జట్టులోకి వస్తానని తెలిపాడు. డబ్బుల కోసమే అంతర్జాతీయ క్రికెట్​కు వీడ్కోలు పలికాననే వార్తల్ని ఖండించాడు.

• I would like to clarify that yes I will be available for Pakistan only once this management leaves. so please stop spreading fake news just to sell your story.

  — Mohammad Amir (@iamamirofficial) January 18, 2021 " class="align-text-top noRightClick twitterSection" data="

  I would like to clarify that yes I will be available for Pakistan only once this management leaves. so please stop spreading fake news just to sell your story.

  — Mohammad Amir (@iamamirofficial) January 18, 2021

  ">

  I would like to clarify that yes I will be available for Pakistan only once this management leaves. so please stop spreading fake news just to sell your story.

  — Mohammad Amir (@iamamirofficial) January 18, 2021

"ప్రస్తుత యాజమాన్యం వైదొలిగితే పాకిస్థాన్​ తరఫున తిరిగే ఆడటానికి సిద్ధంగా ఉన్నాను. కాబట్టి మీ కట్టుకథలు నమ్మించడానికి నాపై విష ప్రచారాన్ని మానుకోండి. ఆటగాళ్లకు కాస్త వ్యవధి, స్వేచ్ఛనివ్వండి. డ్రెస్సింగ్ రూమ్​లో భయానక వాతావరణానికి చరమగీతం పాడండి. అప్పుడు ప్రస్తుతమున్న క్రికెటర్లే మంచి ఫలితాలు సాధిస్తారు"

-మహ్మద్ ఆమిర్, పాకిస్థాన్ మాజీ క్రికెటర్

గతేడాది డిసెంబర్​లో అంతర్జాతీయ క్రికెట్​కు వీడ్కోలు పలికాడు ఆమిర్. బౌలింగ్ కోచ్​ వకార్​ యూనిస్ సహ మిస్బావుల్​ హక్​ నుంచి ఎదురైన మానసిక ఒత్తిళ్ల కారణంగానే ఈ నిర్ణయం తీసుకున్నట్లు వెల్లడించాడు.

ఇదీ చూడండి: నా రిటైర్మెంట్​కు కారణం వాళ్లే: మహ్మద్ ఆమిర్