బాక్సింగ్ డే టెస్టులో టీమ్ఇండియా అద్భుతమైన బౌలింగ్ చేసి, తమను తక్కువ పరుగులకే కట్టడి చేసిందని ఆస్ట్రేలియా యువ ఆటగాడు మార్నస్ లబుషేన్ చెప్పాడు. ఇదే సిరీస్లో పేలవ ప్రదర్శన చేస్తూ విమర్శలు ఎదుర్కొంటున్న స్మిత్ను వెనకేసుకొచ్చాడు.
"ఈ సిరీస్కు ముందు వరకు నేను అశ్విన్ బౌలింగ్ ఆడలేదు. మంచి బౌలర్, ఆలోచనాపరుడు అనడానికి అతడి గణాంకాలే నిదర్శనం. తాను అనుకున్న విధంగా అశ్విన్ బౌలింగ్ చేయగలిగాడు. కొద్దిసేపు మేం భారత బౌలర్ల వలలో చిక్కుకుపోయాం. స్పిన్తో పాటు పేస్ బౌలింగ్ కూడా భారత్ బాగా వేసింది"
-మార్నస్ లబుషేన్, ఆసీస్ బ్యాట్స్మన్
అలానే పరుగులు చేయడంలో విఫలమవుతున్న సహచర బ్యాట్స్మన్ స్మిత్కు అండగా నిలిచాడు లబుషేన్. సిడ్నీ వేదికగా భారత్పై 60 బంతుల్లోనే స్మిత్ శతకం చేశాడని అది ఈ మధ్య జరిగిన మ్యాచ్ అని గుర్తుచేశాడు.
భారత్తో జరిగిన తొలి రెండు టెస్టుల్లో... ఆస్ట్రేలియా మూడు ఇన్నింగ్స్ల్లో 191, 195, 200 పరుగులకే ఆలౌటైంది. ఈ సిరీస్లో ప్రస్తుతం అశ్విన్ పది వికెట్లు తీశాడు. రెండుసార్లు స్మిత్, లబుషేన్ ఓసారి అశ్విన్ బౌలింగ్లోనే ఔటయ్యారు.
