ఆస్ట్రేలియా తరఫున 100 టెస్టులాడిన జాబితాలో చేరనున్నాడు స్పిన్నర్ నాథన్ లియోన్. భారత్తో బ్రిస్బేన్లో ఆడబోయే మ్యాచ్తో ఈ ఘనత సాధించనున్నాడు. దీంతో వంద టెస్టులు ఆడిన 13వ ఆస్ట్రేలియన్ క్రికెటర్గా నిలవనున్నాడు. బోర్డర్-గావస్కర్ ట్రోఫీలో భాగంగా జరుగనున్న ఆఖరి టెస్టు జనవరి 15న బ్రిస్బేన్ వేదికగా ప్రారంభం కానుంది.
అంతర్జాతీయ టెస్టుల్లో తన ప్రయాణంపై లియోన్ బుధవారం స్పందించాడు. "చాలా ఆనందంగా ఉంది. కానీ, అస్సలు గర్వంగా భావించడం లేదు" అని అన్నాడు.
400 వికెట్ల మైలురాయి
టెస్టుల్లో 400 వికెట్ల మైలురాయికి నాథన్ లియోన్ చేరువలో ఉన్నాడు. ఇప్పటికే 396 వికెట్లు తన ఖాతాలో ఉన్నాయి. భారత్తో నాలుగో టెస్టులో ఈ ఘనత సాధిస్తానని ఆశాభావంతో ఉన్నాడు.
ఇదీ చూడండి: టీమ్ఇండియాపై స్ట్రెయిన్ ప్రభావం.. కఠిన క్వారంటైన్!
