టెస్టుల్లో సుదీర్ఘ కాలం టీమ్ఇండియాకు నాయకత్వం వహించడం సంతోషంగా ఉందని చెప్పాడు విరాట్ కోహ్లీ. తన ప్రయాణం నమ్మశక్యంగా లేదన్నాడు. ఇంగ్లాండ్తో మొతేరాలో జరుగుతున్న టెస్టు మ్యాచ్తో భారత్ తరఫున 60టెస్టులకు కెప్టెన్సీ వహించిన సారథిగా ధోనీ సరసన చేరాడు కోహ్లీ.
"ఇంత సుదీర్ఘ సమయం భారత్కు సారథ్యం వహించడం నమ్మశక్యంగా లేదు. ఈ ప్రయాణంలో భారత్ అత్యుత్తమ ర్యాంకులను సాధించింది. టీమ్ఇండియాలో ప్రతిభావంతులైన క్రికెటర్లు ఉన్నారు. మేము ఒక జట్టుగా కలిసి ఆడతాం. వారి వల్లే నాయకుడిగా నేను విజయవంతంగా కొనసాగుతున్నా."
-విరాట్ కోహ్లీ, టీమ్ఇండియా కెప్టెన్
2014లో టెస్టులకు ధోనీ రిటైర్మెంట్ ప్రకటించిన తర్వాత సారథిగా పగ్గాలు అందుకున్నాడు కోహ్లీ. స్వదేశంలో విరాట్కు కెప్టెన్గా ప్రస్తుత మ్యాచ్ 30వది. ఇటీవల అహ్మదాబాద్లోనే జరిగిన మూడో టెస్టు విజయంతో స్వదేశంలో అత్యధిక విజయాలతో ధోనీని(21) అధిగమించాడు కోహ్లీ(22).
ఇదీ చూడండి: తొలి సెషన్లో భారత్ జోరు.. ఇంగ్లాండ్ 74/3
