గబ్బా పిచ్ అనూహ్యంగా స్పందిస్తోందని అన్నాడు ఆస్ట్రేలియా బ్యాట్స్మన్ స్టీవ్ స్మిత్. కాబట్టి తమ బౌలర్లు ఓపికగా బౌలింగ్ చేయడం ముఖ్యమని చెప్పాడు.
"ఇప్పటికి మంచి స్థితిలోనే ఉన్నాం. కానీ పిచ్ అనూహ్యంగా స్పందిస్తోంది. కాబట్టి రేపు నిలకడగా మంచి ప్రాంతల్లో బౌలింగ్ చేయడం ముఖ్యం. పిచ్ స్పందించే తీరు దృష్టిలో పెట్టుకొని ఉన్న అవకాశాలను సద్వినియోగం చేసుకుంటామని భావిస్తున్నా. సిడ్నీ కన్నా ఇది భిన్నమైన వికెట్. బౌలర్లు అనవసర ప్రయోగాలు చేయకూడదు. అది సత్ఫలితాలు ఇవ్వకపోవచ్చు. అనువైన ప్రాంతంలో నిలకడగా బౌలింగ్ చేయాలి. రేపు ఆసక్తికర పోరు జరగబోతోంది. దానికోసం ఉత్సాహంగా ఎదురుచూస్తున్నాం."
-స్టీవ్ స్మిత్, ఆస్ట్రేలియా బ్యాట్స్మన్
గాయాలబారిన పడ్డ మిచెల్ స్టార్క్ ఆఖరి రోజున ఆడతాడని ఆశాభావం వ్యక్తంచేశాడు స్మిత్. స్పిన్నర్ లైయన్ తప్పక మంచి ప్రదర్శన చేస్తాడని చెప్పాడు.
ఆస్ట్రేలియాతో జరుగుతున్న చివరి టెస్టులో నాలుగో రోజు 328 పరుగుల లక్ష్యంతో బ్యాటింగ్కు దిగింది భారత్. వర్షం కారణంగా ఆట నిలిచిపోయే సమయానికి 4/0తో ఉంది.
ఇదీ చూడండి: ఉత్కంఠగా గబ్బా టెస్టు.. గెలుపు ఎవరిదో?
