టీమ్ఇండియా టెస్టు జట్టు వైస్ కెప్టెన్ అజింక్యా రహానే కెప్టెన్సీ విషయంలో ఒత్తిడికి గురవ్వడని భారత మాజీ బ్యాట్స్మన్ సునీల్ గావస్కర్ అభిప్రాయపడ్డాడు. విరాట్ కోహ్లీ మొదటి టెస్టు అనంతరం పితృత్వ సెలవులపై స్వదేశానికి రానున్న నేపథ్యంలో గావస్కర్ ఈ వ్యాఖ్యలు చేశాడు.
"కెప్టెన్సీ వహించడం అజింక్యా రహానేకు భారం కాకపోవచ్చు. ఎందుకంటే గతంలోనూ రహానే రెండు టెస్టులకు సారథ్య బాధ్యతలు నిర్వహించాడు. ధర్మశాల వేదికగా ఆస్ట్రేలియాతో జరిగిన మ్యాచ్కు కెప్టెన్గా ఉన్నాడు. అలాగే అఫ్గానిస్థాన్తో జరిగిన మ్యాచ్లోనూ భారత్కు సారథ్యం వహించాడు. ఈ రెండు మ్యాచ్లూ భారత్ గెలిచింది."
- సునీల్ గావస్కర్, భారత మాజీ ఆటగాడు.
సుదీర్ఘ ఫార్మాట్కు ముందు జరిగిన రెండు వార్మప్ మ్యాచ్లకూ రహానే కెప్టెన్సీ చేశాడు. దీనిపై స్పందించిన గావస్కర్.. చివరి మూడు మ్యాచ్లకు సారథ్యం వహిస్తూనే రహానే బ్యాట్స్మన్గా రాణించగలడని ధీమా వ్యక్తం చేశాడు. చెతేశ్వర్ పుజారా బ్యాటింగ్తో ప్రత్యర్థిని బయపెట్టగలడని అన్నాడు.
ఇదీ చదవండి:కోపం వచ్చింది.. సెంచరీ కొట్టేశా: పంత్
