టెస్టు ర్యాంకింగ్స్లో తాను అగ్రస్థానానికి చేరుకోవడం పట్ల న్యూజిలాండ్ కెప్టెన్ కేన్ విలియమ్సన్ హర్షం వ్యక్తం చేశాడు. కోహ్లీ, స్మిత్ను అధిగమించి ఆ స్థానానికి చేరడం చాలా ఆనందంగా ఉందని ఈ సందర్భంగా తెలిపాడు.
"జట్టుకు ఏది చేయగలనో నేను అది చేశాను. మనం చేసిన సహకారం ర్యాంకింగ్లో ప్రభావం చూపించడం చాలా బాగుంది. వారిద్దరూ (కోహ్లీ, స్టీవ్ స్మిత్) ఉత్తమ ఆటగాళ్లు. ఈ ఫార్మాట్ ర్యాంకింగ్లో ప్రతి ఏటా పోటీ పడతారు. వాళ్లకు వ్యతిరేకంగా ఆడి ఇలా టాప్ ర్యాంకుకు చేరుకోవడం చాలా ఆనందంగా ఉంది".
- కేన్ విలియమ్సన్, న్యూజిలాండ్ కెప్టెన్
2020 ఆఖర్లో పాకిస్థాన్‌పై శతకం బాదిన విలియమ్సన్(129).. టీమ్ఇండియా సారథి విరాట్‌ కోహ్లీ, ఆస్ట్రేలియా బ్యాట్స్‌మన్‌ స్టీవ్‌స్మిత్‌ను వెనక్కినెట్టాడు. గురువారం ఐసీసీ విడుదల చేసిన టెస్టు ర్యాంకింగ్స్లో విలియమ్సన్ అగ్రస్థానంలో నిలిచాడు. 2015లో తొలిసారి అతడు నంబర్‌ 1 టెస్టు బ్యాట్స్‌మన్‌గా ఎంపికవ్వగా.. ఐదేళ్ల తర్వాత మళ్లీ ఆ స్థానాన్ని చేరుకున్నాడు.
ఇదీ చూడండి: మెల్బోర్న్లో హిట్మ్యాన్ ప్రాక్టీస్ షురూ
