ఐసీసీ టెస్టు ఛాంపియన్షిప్లో ఖాతా తెరవాలన్న దక్షిణాఫ్రికా నిరీక్షణకు ఇటీవలే తెరపడింది. కానీ ఆ సంతోషం ఎన్నో రోజులు నిలవలేదు. ఇంగ్లాండ్పై తొలి టెస్టు గెలిచి 30 పాయింట్లు సాధించిన సఫారీ సేనకు షాకిచ్చింది ఐసీసీ. వచ్చిన వాటిలో ఆరు పాయింట్ల కోత విధించిది. ఛాంపియన్ షిప్లో స్లో ఓవర్ రేట్ కారణంగా ఇలా కోత విధించడం ఇదే తొలిసారి. ప్రస్తుతం 24 పాయింట్లతో జాబితాలో ఏడో స్థానంలో కొనసాగుతోంది దక్షిణాఫ్రికా.
టెస్టు ఛాంపియన్‌షిప్‌ పాయింట్ల్ పట్టికలో 360 పాయింట్లతో భారత్‌ అగ్రస్థానంలో ఉండగా.. తర్వాతి స్థానాల్లో ఆస్ట్రేలియా (296) ఇంగ్లాండ్ (146), పాకిస్థాన్‌ (80), శ్రీలంక (80), న్యూజిలాండ్‌ (60) ఉన్నాయి. దక్షిణాఫ్రికా (24), వెస్టిండీస్ (0), బంగ్లాదేశ్‌ (0) చివరి మూడు స్థానాల్లో నిలిచాయి.
టెస్టు ఛాంపియన్షిప్లో నిర్వహించే ప్రతి సిరీస్‌కు 120 పాయింట్లు కేటాయిస్తారు. సిరీస్‌లో రెండు టెస్టులే ఉంటే ప్రతి మ్యాచ్‌కు 60 పాయింట్లు ఇస్తారు. అదే విధంగా మూడు టెస్టుల సిరీస్‌లో మ్యాచ్‌కు 40 పాయింట్లు, అయిదు టెస్టుల సిరీస్‌లో మ్యాచ్‌కు 24 పాయింట్లు ఉంటాయి. మొత్తం తొమ్మిది జట్లు తలపడుతున్న ఈ ప్రపంచ ఛాంపియన్‌షిన్‌లో 2021 జూన్‌లో తొలి రెండు స్థానాల్లో నిలిచిన జట్లకు ఫైనల్‌ను నిర్వహిస్తారు.
ఇవీ చూడండి.. ఆడిన తొలి మ్యాచ్.. వేసిన తొలి ఓవర్లోనే హ్యాట్రిక్
