టీమిండియా బ్యాట్స్మన్ రోహిత్శర్మపై ప్రశంసలు కురిపించాడు న్యూజిలాండ్ మాజీ బౌలర్ సైమన్ డాల్. వన్డేల్లో భారత దిగ్గజ క్రికెటర్ సచిన్ తెందుల్కర్ కన్నా ఉత్తమ ఓపెనర్ అని అభిప్రాయపడ్డాడు.
"రోహిత్కు మ్యాచ్‌ పరిస్థితులకు తగ్గట్లు, గేర్లు మారుస్తూ స్ట్రైక్‌రేట్‌ను పెంచుకునే సామర్థ్యం ఉంది. 60, 70, 80 పరుగుల దగ్గరే కాకుండా.. 90ల వద్ద ఒత్తిడికి గురికాకుండా ఆడతాడు. ప్రస్తుతం అతడి స్ట్రైక్రేట్ 88.93 ఉండగా, సగటు 49.27 ఉంది. అదే సచిన్ విషయానికొస్తే స్ట్రైక్రేట్ 86.24, సగటు 44.83 ఉన్నాయి. కాబట్టి సచిన్ కంటే రోహిత్ మెరుగ్గా ఉన్నాడు. అందుకే ఉత్తమ ఓపెనర్ అయ్యాడు"
-సైమన్ డాల్, న్యూజిలాండ్ మాజీ బౌలర్
అయితే ఈ ఫార్మాట్లో తొలి ద్విశతకం సచిన్ నమోదు చేయగా, ఆ తర్వాత వరుసగా మూడు డబుల్ సెంచరీలు కొట్టి రికార్డు సృష్టించాడు రోహిత్ శర్మ. ప్రస్తుతం భారత జట్టుకు ఉపసారథిగా ఉన్న ఇతడు.. గతేడాది వన్డే ప్రపంచకప్లోనూ అద్బుత ప్రదర్శన చేశాడు. ఐదు శతకాలు చేయడం సహా టోర్నీ చరిత్రలో ఓ సీజన్లో ఎక్కువ పరుగులు(648) చేసిన బ్యాట్స్మన్గా ఘనత సాధించాడు.
