అడిలైడ్ వేదికగా భారత్-ఆస్ట్రేలియా మధ్య జరుగుతోన్న తొలి టెస్టులో ఓ వివాదస్పద సంఘటన చోటుచేసుకుంది. ఈ పోరులో ఆస్ట్రేలియా మాజీ క్రికెటర్, వ్యాఖ్యాత షేన్ వార్న్.. టీమ్ఇండియా క్రికెటర్ పుజారా బ్యాటింగ్ చేస్తోన్న సమయంలో అతడిపై వివక్షపూరిత వ్యాఖ్యలు చేశాడు. అతడి పేరును 'స్టీవ్'గా పలికాడు. దీంతో అసహనానికి గురైన భారత అభిమానులు వార్న్ను విపరీతంగా విమర్శిస్తున్నారు.
'స్టీవ్' అంటే ఏమిటి?
ఇంగ్లాండ్కు చెందిన యార్క్షైర్ క్రికెట్ క్లబ్లో వర్ణ, జాతి వివక్ష చూపిస్తారంటూ ఇటీవల ఆ దేశ క్రికెటర్ అజీమ్ రఫీక్ ఆరోపణలు చేశాడు. ప్రస్తుతం దీనిపై విచారణ జరుగుతోంది. ఈ క్రమంలోనే ఒకానొక సందర్భంలో అక్కడి ఆటగాళ్లు పుజారా పేరు పలకడం రాక స్టీవ్గా పిలిచేవారన్న విషయం బయటకొచ్చింది. అయితే వర్ణ వివక్ష చూపించడాన్నే స్టీవ్గా పిలుస్తారని తెలిసింది. ఇప్పుడు అదే పేరు పెట్టి వార్న్ కూడా పుజారాను పిలవడం వివాదస్పదమైంది.
ఇదీ చూడండి : వర్ణవివక్షతో పుజారాను అలా పిలిచేవారు!
