దక్షిణాఫ్రికా మహిళ ఆల్రౌండర్ సునే లూస్ రికార్డు నెలకొల్పింది. పరిమిత ఓవర్ల ఫార్మాట్లో వెయ్యి పరుగులతో పాటు వంద వికెట్లు సాధించిన పదో మహిళ క్రికెటర్గా నిలిచింది.
సొంతగడ్డపై పాకిస్థాన్తో జరుగుతున్న చివరి వన్డేలో సౌతాఫ్రికా విజయం సాధించింది. కెప్టెన్ లూస్ మూడు వికెట్లు పడగొట్టి జట్టు గెలుపులో కీలక పాత్ర పోషించింది. దీంతో మూడు వన్డేల సిరీస్ను క్లీన్స్వీప్ చేసింది లూస్ సేన.
మొదట బ్యాటింగ్ చేసిన దక్షిణాఫ్రికా నిర్ణీత ఓవర్లలో 201 పరుగులు చేసింది. లక్ష్యచేధనలో తడబడ్డ పాక్ జట్టు 169 పరుగులకే ఆలౌటైంది.
ఆస్ట్రేలియా మాజీ క్రికెటర్ లిసా స్థలేకర్ 2728 పరుగులు, 146 వికెట్లతో అగ్రస్థానంలో ఉండగా.. భారత ఆల్రౌండర్ జులన్ గోస్వామి 1076 పరుగులు, 225 వికెట్లతో తర్వాతి కొనసాగుతోంది.
ఇదీ చదవండి: 'పృథ్వీషా.. ఆ పనులు వెంటనే చేసేయ్'
