ఇటీవలే కరోనా బారిన పడ్డ చెన్నై సూపర్ కింగ్స్ బ్యాట్స్మన్ రుతురాజ్ గైక్వాడ్ మరో రెండు సార్లు పరీక్షలు చేయించుకోనున్నాడు. ఈ క్రమంలోనే ఐపీఎల్లో కొన్ని మ్యాచ్లకు దూరం అయ్యే అవకాశాలు కనిపిస్తున్నాయి.
"రుతురాజ్కు ప్రోటోకాల్ ప్రకారం.. ఆదివారం, సోమవారం రెండు పరీక్షలు చేస్తారు. వీటిలో నెగిటివ్ తేలితే అతడిని తిరిగి బయో బబుల్లోకి అనుమతిస్తారు. ఇతర సిబ్బంది కరోనా నుంచి కోలుకుని సాధారణ స్థితికి చేరుకున్నారు. జట్టుతో కూడా కలిసిపోయారు."
-కేఎస్ విశ్వనాథన్, సీఎస్కే సీఈఓ
సీఎస్కే బృందంలో గైక్వాడ్, చాహర్ సహా 13 మంది సభ్యులు కరోనా బారిన పడ్డారు. అయితే, 14 రోజుల క్వారంటైన్ సమయంలో చాహర్తో పాటు మిగిలిన 11 మంది కోలుకున్నారు. ఈ క్రమంలోనే తిరిగి శిక్షణ ప్రారంభించాడు చాహర్.
కొవిడ్ పరీక్షల్లో నెగిటివ్ వచ్చిన అనంతరం.. గైక్వాడ్ ఫిట్నెస్ను నిర్ధరించేందుకు హృదయ, ఊపిరితిత్తుల పనితీరుపై టెస్టులు నిర్వహించనున్నారు. ఈ క్రమంలోనే లీగ్ ప్రారంభ మ్యాచ్ల్లో కొన్నింటిని గైక్వాడ్ కోల్పోయే అవకాశాలున్నట్లు కనిపిస్తోంది.
