ఐపీఎల్​ ప్రోమో కాపీ కొట్టిన పాకిస్థాన్​ సూపర్​​ లీగ్!​

ఐపీఎల్​ ప్రోమో తరహాలో రూపొందిన పాకిస్థాన్​ సూపర్​ లీగ్(పీఎస్​ఎల్​) ప్రోమో నెట్టింట వార్తల్లో నిలిచింది​​. ఈ విషయంపై సామాజిక మాధ్యమాల్లో చర్చ జరగ్గా... తేరుకున్న దాయాది దేశం లీగ్​ నిర్వాహకులు చర్యలు తీసుకున్నారు. తక్షణమే ఆ ప్రచార కార్యక్రమాన్ని నిలిపివేయాలని ఆదేశించారు.

పాకిస్థాన్​ సూపర్​ లీగ్​ ఐదో ఎడిషన్​ ట్రోఫీని నేడు ఘనంగా ఆవిష్కరించారు నిర్వాహకులు. అయితే ఈ లీగ్​ మరోసారి వివాదస్పదమైంది. అందుకు కారణం ఈ మెగాటోర్నీ ప్రచార కార్యక్రమం ఇండియన్​ ప్రీమియర్​ లీగ్(ఐపీఎల్​)​ ప్రోమోను పోలినట్లు ఉండటమే. ఐపీఎల్​​ ప్రచార వీడియోను కాపీ కొట్టి పీఎస్​ఎల్​ ప్రోమో తయారు చేసింది టైటిల్​ స్పాన్సర్​ హబీబ్​ బ్యాంక్​. దీనిపై నెటిజన్లు సోషల్​ మీడియా వేదికగా ఫిర్యాదు చేయగా.. తక్షణమే చర్యలు తీసుకున్నారు పాక్​ లీగ్​ క్రికెట్​ నిర్వాహకులు. అంతేకాకుండా ప్రతిష్టాత్మకంగా భావించిన టోర్నీలో ఇలాంటి ఘటనపై పాక్​ క్రికెట్​ బోర్డు ఆగ్రహం వ్యక్తం చేసింది.

పాకిస్థాన్​ సూపర్​ లీగ్ 2020 ట్రోఫీ

ఐపీఎల్​ కోసం ఎయిర్​టెల్​ సంస్థ రూపొందించిన ఓ ప్రకటనలాగే తమ వీడియో ఉన్నట్లు పీఎస్​ఎల్​ నిర్వాహకులు కూడా ధ్రువీకరించారు. ప్రస్తుత ప్రోమోను తొలగించి.. కొత్తది రూపొందించే పనిలో పడింది హబీబ్​ బ్యాంక్​. 2016 నుంచి ఈ సంస్థే​ పాక్​ లీగ్​కు టైటిల్​ను స్పాన్సర్​గా ఉంది.

తొలిసారి స్వదేశీ గడ్డపై..

తొలిసారి టోర్నీలోని అన్ని మ్యాచ్​లు పాకిస్థాన్‌లోనే నిర్వహిస్తున్నారు. కరాచీ, లాహోర్‌, ముల్తాన్‌, రావల్పిండి నగరాలు మ్యాచ్​లకు ఆతిథ్యమివ్వనున్నాయి. గతంలో పలు మ్యాచ్​లు తటస్థ వేదికపై జరిగేవి. ఫిబ్రవరి 20 నుంచి మార్చి 22 వరకు జరిగే ఈ లీగ్‌ జరగనుంది.

• The trophy that all the teams are fighting for is finally revealed to the world! Watch the exclusive behind the scenes footage from Karachi.#TayyarHain #HBLPSLV pic.twitter.com/T7yZgLnYSp

  — PakistanSuperLeague (@thePSLt20) February 20, 2020 " class="align-text-top noRightClick twitterSection" data="

  The trophy that all the teams are fighting for is finally revealed to the world! Watch the exclusive behind the scenes footage from Karachi.#TayyarHain #HBLPSLV pic.twitter.com/T7yZgLnYSp

  — PakistanSuperLeague (@thePSLt20) February 20, 2020

  ">

  The trophy that all the teams are fighting for is finally revealed to the world! Watch the exclusive behind the scenes footage from Karachi.#TayyarHain #HBLPSLV pic.twitter.com/T7yZgLnYSp

  — PakistanSuperLeague (@thePSLt20) February 20, 2020