పాకిస్థాన్​ కెప్టెన్​ బాబర్ అజమ్​పై రేప్ కేసు!

పాకిస్థాన్ కెప్టెన్​పై లైంగిక వేధింపుల ఆరోపణలు చేసిందో మహిళ. తనను శారీరకంగా వేధించడం సహా గర్భవతిని కూడా చేశాడని మీడియా సమావేశంలో ఆమె పేర్కొంది. పెళ్లి చేసుకుంటానని మోసం చేసినట్లు చెప్పింది.

పాకిస్థాన్​ క్రికెట్​ జట్టు కెప్టెన్​ బాబర్​ అజామ్​పై లైంగిక వేధింపుల ఆరోపణలు వచ్చాయి. బాబర్​ పాఠశాల స్నేహితురాలినని చెప్తున్న ఓ మహిళ.. సదరు ఆటగాడు​​ తనను 10 ఏళ్లుగా లైంగికంగా వేధిస్తున్నాడని శనివారం మీడియా సమావేశంలో వెల్లడించింది. 2010లో తనను వివాహం చేసుకుంటానని నమ్మించి, క్రికెటర్​గా పేరు తెచ్చుకున్న తర్వాత మోసం చేశాడని ఆరోపించింది.

పాక్​ కెప్టెన్​ బాబర్ ఆజామ్​ తనను 2010లో వివాహం చేసుకుంటానని చెప్పాడని, ఆ తర్వాత ఏడాదే కోర్టులో పెళ్లి చేసుకోవడానికి సిద్ధపడ్డామని సదరు మహిళ తెలిపింది. అంతలోనే బాబర్​ మనసు మార్చుకున్నాడని ఆవేదన వ్యక్తం చేసింది.

బాబర్ పాకిస్థాన్​ జట్టులోకి అడుగుపెట్టిన తొలినాళ్లలో​ తాను ఆర్థికంగా మద్దతుగా నిలిచినట్లు ఈ సందర్భంగా ఆమె చెప్పింది. శారీరకంగా వేధించడం సహా తనను బెదిరించాడని ఆరోపించింది.

• So this lady has made accusations against Babar Azam "he promised to marry me, he got me pregnant, he beat me up, he threatened me and he used me"
  Video courtesy 24NewsHD pic.twitter.com/PTkvdM4WW2

  — Saj Sadiq (@Saj_PakPassion) November 28, 2020 " class="align-text-top noRightClick twitterSection" data="

  So this lady has made accusations against Babar Azam "he promised to marry me, he got me pregnant, he beat me up, he threatened me and he used me"
  Video courtesy 24NewsHD pic.twitter.com/PTkvdM4WW2

  — Saj Sadiq (@Saj_PakPassion) November 28, 2020

  ">

  So this lady has made accusations against Babar Azam "he promised to marry me, he got me pregnant, he beat me up, he threatened me and he used me"
  Video courtesy 24NewsHD pic.twitter.com/PTkvdM4WW2

  — Saj Sadiq (@Saj_PakPassion) November 28, 2020

గర్భవతిని చేశాడు!

బాధితురాలు మాట్లాడుతున్న వీడియో క్లిప్​ను పాకిస్థాన్​ జర్నలిస్టు సాజ్ సాదిక్ ట్విట్టర్​లో పంచుకున్నారు. "అతడు(బాబర్) నన్ను పెళ్లి చేసుకుంటానని చెప్పాడు. గర్భవతిని కూడా చేశాడు. నన్ను చాలాసార్లు కొట్టడమే కాకుండా బెదిరించాడు" అని ఆమె బాబర్​పై ఆరోపణలు చేసింది.

పాక్​ కెప్టెన్​ బాబర్​ ఆజామ్​ ప్రస్తుతం న్యూజిలాండ్​ పర్యటనలో భాగంగా 14 రోజుల నిర్బంధంలో ఉన్నాడు. ఈ పర్యటనలో ఇరుజట్ల మధ్య మూడు టీ20లు, రెండు టెస్టులు జరగాల్సి ఉంది. ఇటీవలే పాక్ జట్టు మూడు ఫార్మాట్లకు కెప్టెన్​గా ఎంపికయ్యాడు.

ఇదీ చూడండి: ఆరుగురు పాకిస్థాన్​ క్రికెటర్లకు కొవిడ్ పాజిటివ్