2013లో సరిగ్గా ఇదే రోజు పేసర్ జస్ప్రీత్ బుమ్రా.. ముంబయి ఇండియన్స్ తరఫున ఐపీఎల్లో అరంగేట్రం చేశాడు. బెంగుళూరుతో తొలి మ్యాచ్ ఆడిన అతడు మొదటి వికెట్గా విరాట్ కోహ్లీని ఔట్ చేశాడు. గతేడాది తాను తీసుకున్న 100వ వికెట్ కూడా కోహ్లీదే కావడం విశేషం.
ప్రారంభ సీజన్లో కేవలం రెండు మ్యాచ్లే ఆడిన బుమ్రా.. 3 వికెట్లు తీసుకున్నాడు. ఇప్పటివరకు మొత్తం 92 ఐపీఎల్ మ్యాచ్లాడి 109 వికెట్లు పడగొట్టాడు. 4/14 ఉత్తమ గణాంకాలను నమోదు చేశాడు.
ఐపీఎల్ అరంగేట్రం తర్వాత మూడేళ్లకు టీమ్ఇండియాకు ఎంపికైన ఈ యువ పేసర్.. ఆసీస్తో తొలి అంతర్జాతీయ మ్యాచ్ ఆడాడు. ఇప్పటివరకు 67 వన్డేలతో పాటు 50 టీ20లు, 19 టెస్టుల్లో భారత్కు ప్రాతినిధ్యం వహించాడు. ప్రస్తుతం ఐపీఎల్తో ముంబయి జట్టుకే కాక టీమ్ఇండియాకు కీలక బౌలర్గా మారాడు.
ఇదీ చదవండి: ఆ ఆటగాళ్ల ఆరంభం అదిరింది
